Túrkistan oblysynyń Tólebi aýdanyndaǵy Badam ózenine óndiristik qaldyq tógilgeni týraly aqparat áleýmettik jelide tarady, dep habarlaidy dalanews.kz.
Jergilikti turǵyndardyń aitýynsha, saldarynan ózen boiyndaǵy birneshe balyq sharýashylyǵynda balyq jappai qyrylǵan.
Áleýmettik jelide jariialanǵan málimetke sáikes, Badam ózeniniń boiynda ornalasqan tórt balyq sharýashylyǵy zardap shekken.
Jazba avtorynyń málimdeýinshe, «Balmuzdaq» JShS óndiristik qaldyqtardy ózenge aǵyzǵan. Osyǵan bailanysty aýyldyq okrýg ákimdigimen birlesip tiisti hattama toltyrylǵany aitylǵan.
Áleýmettik jelide taraǵan foto jáne videolarda ózen sýynyń lailanyp ketkeni jáne sý betinde ólgen balyqtardyń júrgeni baiqalady.
Alaida qazirgi ýaqytta bul aqparatty quzyrly memlekettik organdar resmi túrde rastaǵan joq. Balyqtyń qyrylýyna naqty ne sebep bolǵany jáne ózenniń lastanýyna óndiristik qaldyqtardyń qatysy bar-joǵy tekserý nátijesinde belgili bolady.
Dalanews redaktsiiasy atalǵan jaǵdaiǵa bailanysty Túrkistan oblysynyń ákimdigine resmi saýal joldady.
