Túrkistan oblysynyń Túlkibas aýdanynda er adam týǵan anasyn óltirdi degen kúdikpen qamaýǵa alyndy, dep habarlaidy dalanews.kz.
"Otyrar" telearnasynyń áleýmettik jelidegi paraqshasynyń jazýynsha, qandy oqiǵa eldi mekenderdiń birinde bolǵan. Aldyn ala málimet boiynsha, shamamen 40 jastaǵy er adam anasyn óz úiinde pyshaqtap óltirgen.
Beiresmi aqparatta kúdiktige tserebraldy sal aýrýy diagnozy qoiylǵany aitylady. Alaida bul málimetke qatysty resmi organdar ázirge túsinikteme bermegen.
Er adamnyń mundai áreketke ne sebepti barǵany belgisiz. Oqiǵa týraly aqparatty Túrkistan oblystyq politsiia departamenti rastaǵan.
Qazirgi ýaqytta kúdikti qamaýǵa alyndy. Politsiia qylmystyq is qozǵap, bolǵan jaǵdaidyń barlyq mán-jaiyn anyqtap jatyr.
