Túrkistan oblysy Keles aýdanynda qaiǵyly oqiǵa bolyp, eki bala kóz jumdy. Aǵaiyndy balalar Oshaqty sýarý kanalyna qulap, olardy qatty aǵys alyp ketken, dep habarlaidy dalanews.kz otyrar.kz-ke siltep.
Qaiǵyly jaǵdai 31 mamyrda keshke Eńbekshi aýylynda bolǵan. Bul aqparatty oblystyq tótenshe jaǵdailar departamenti rastaǵan.
Izdestirý jumystaryna Túrkistan oblystyq TJD, Politsiia departamenti jáne jedel qutqarý jasaǵynyń 73 qyzmetkeri jumyldyrylǵan. Sondai-aq, 11 tehnika men eki júzý quraly paidalanylǵan.
TJD málimetinshe, qaza tapqan balalardyń úlkeni 13 jasta, kishisi 8 jasta. Bir balanyń súiegi sol túni tabylsa, ekinshisiniń súiegi kelesi kúni anyqtalǵan. Qazir oqiǵanyń barlyq mán-jaiy tekserilip jatyr.
