Түркістан облысы Келес ауданында қайғылы оқиға болып, екі бала көз жұмды. Ағайынды балалар Ошақты суару каналына құлап, оларды қатты ағыс алып кеткен, деп хабарлайды dalanews.kz otyrar.kz-ке сілтеп.
Қайғылы жағдай 31 мамырда кешке Еңбекші ауылында болған. Бұл ақпаратты облыстық төтенше жағдайлар департаменті растаған.
Іздестіру жұмыстарына Түркістан облыстық ТЖД, Полиция департаменті және жедел құтқару жасағының 73 қызметкері жұмылдырылған. Сондай-ақ, 11 техника мен екі жүзу құралы пайдаланылған.
ТЖД мәліметінше, қаза тапқан балалардың үлкені 13 жаста, кішісі 8 жаста. Бір баланың сүйегі сол түні табылса, екіншісінің сүйегі келесі күні анықталған. Қазір оқиғаның барлық мән-жайы тексеріліп жатыр.
