Túrkistan oblysynda júk kóligindegi órt sóndirildi, dep habarlaidy dalanews.kz.
Qazyǵurt aýdanynda, Rabat aýylynan 8 shaqyrym qashyqta, respýblikalyq mańyzy bar Almaty - Termez - Tashkent tasjolynda tirkemesi bar júk kóligi jáne shamamen 1 gektar aýmaqtaǵy qurǵaq shóp janǵan.
"Júk kóliginde 22 tonna sintetikalyq mai bolǵan. Órt saldarynan júk kóligi men tirkeme tolyq janyp, sintetikalyq maidyń bir bóligi jolǵa tógilgen. Túrkistan oblysy jáne Shymkent qalasy TJM kúshteri órtti tolyq sóndirdi", - dep jazylǵan habarlamada.
Zardap shekkender joq. Oqiǵa ornynda jol qyzmetiniń mamandary jumys istep, sintetikalyq maidyń saldaryn joiǵan.
Jumystar shamamen 500 metr jol ýchaskesinde júrgizilgen. Tótenshe jaǵdaiǵa TJM-nyń 20 qyzmetkeri men 5 tehnikasy jumyldyrylǵan.
