Túrkistan oblysynyń kedendik taýar ainalymy 523 mln dollarǵa jetti
Statistikaǵa súiensek, jyl basynan beri óńirdegi keden beketterinen 350 myńnan astam kólik pen 17 mln-dai adam ótken.
Bul jaǵdai shekarada oryn alatyn zańbuzýshylyqtardyń da kóbeiýine áser etken syńaily. Óitkeni jyl basynan beri óńirdegi keden beketterinde 514 ákimshilik hattama toltyrylyp, 33 qylmystyq is qozǵalǵan. Túrkistan oblystyq Memlekettik kirister departamenti mamandarynyń aitýynsha, keden beketindegi zańbuzýshylyqtyń kóbi taýar tasymaly kezinde oryn alady.
Kóp jaǵdaida tasymaldaýshylar jalǵan deklaratsiiamen shekara asýdy qalaidy. Júk kólikterine esirtki tiep ótetinder de kezdesedi eken. Biyl osyndai 32 jaǵdai tirkelgen.
Al ótken aida júk vagonymen úlken kólemde keptirilgen jemisti alyp ótpek bolǵandar ustalǵan.
Departament mamandarynyń aitýynsha, salyq tólegisi kelmeitin kásipkerler jalǵan bankrottyq jariialaýǵa kóshken. Sonymen qatar salyq jinaýshylar óz bereshegin tólemei júrgen biraz boryshkerden májbúrlep óndirgen.
Erkin Elshibekov, oblystyq Memlekettik kirister departamenti basshysynyń orynbasary:
- 2018 jyly 11 aida májbúrlep óndirip alý negizinde jeke tólem arqyly 662,8 mln teńge óndirilgen. Onyń ishinde bereshekti óteý boiynsha habarlamalardy óteý boiynsha 585,6 mln teńge, ótinimder arqyly 72,9 mln teńge, boryshkerdiń ótinimderi arqyly 3,4 mln teńge.
Óńirdegi kirister departamentiniń biylǵy jumys jospary 122 mlrd teńge bolypty. Alaida osyndai belsendi jumystardyń nátijesinde 129 mlrd teńge qarjy óndirilip, el biýdjetine quiylǵan.
