Túrkistan oblysyndaǵy mektepter jańa oqý jylyna daiyn
Búginde 1289 bilim berý mekemesinde gidravlikalyq syǵymdaý jumystary aiaqtaldy. Qatty otyndy (kómir) paidalanatyn 849 bilim berý mekemesine qajetti 131863,5 tonna otyn tolyǵymen tasymaldandy. Onyń ishinde mektepke 109181,4 tonna, balabaqshaǵa 13391,0 tonna qatty otyn jetkizilgen. 78 bilim berý mekemesine qajetti 3 379,7 mln. litr suiyq otyn da tasymaldanǵan.
2018 jyly 1076 bilim berý nysanyn aǵymdaǵy jóndeýden ótkizýge jergilikti biýdjetten 523,5 mln. teńge bólindi. Búginde barlyq nysandarda jóndeý jumystary aiaqtaldy. Sondai-aq biyl 47 bilim nysanynyń kúrdeli jóndeý jumystaryna oblystyq jáne jergilikti biýdjetten 4,4 mlrd teńge bólingen. Osy 47 nysannyń 4-ýi Shymkent qalasynyń jergilikti atqarýshy organdarynyń teńgerimine ótti. Al, Túrkistan oblysynda qalǵan 43 nysannyń 39-da kúrdeli jóndeý jumystary aiaqtaldy, 2-ýi 2019 jylǵa ótpeli. Jóndeý jumystarynyń merzimi keshikken eki bilim uiasy taiaýda tapsyrylmaq.
Túrkistan oblysynda mektepteri joq eldi mekenderde jáne bilim uialary shalǵaida ornalasqan 11623 oqýshy 237 avtokólikpen tasymaldanady. Bul másele tolyq sheshimin tapqan. 664 mektepte ystyq tamaq uiymdastyrylǵan. Ystyq tamaqpen 405 145 oqýshy qamtamasyz etiledi, al, tegin ystyq tamaqpen qamtylǵan oqýshylar sany – 22777.
Oblysta biyl «Mektepke jol» respýblikalyq qaiyrymdylyq aktsiiasy aiasynda 138 mln. 883 teńge kóleminde materialdyq kómek kórsetildi. Óńirde qajetti oqýlyqtardy satyp alýǵa jáne jetkizýge jergilikti biýdjetten 4,9 mlrd. teńge bólinip, oqýlyqtardy tasymaldaý 100 paiyzǵa oryndaldy.
Túrkistan oblysy ákiminiń baspasóz qyzmeti
