Túrkistan oblysynda salynyp jatqan “Qasqasý” taý-shańǵy kýrortynyń qashan paidalanýǵa beriletini belgili boldy. Bul týraly Indýstriia jáne týrizm komitetiniń tóraǵasy Nurtas Káripbaev OKQ-daǵy brifingte málimdedi, dep habarlaidy Dalanews.kz.
Aimaq ákimdigi shamamen 3 mlrd teńge bólgen. Bul qarjy infraqurylymdy damytýǵa, elektrmen jabdyqtaý men káriz júiesin salýǵa baǵyttalǵan.
“Ákimdik málimetinshe, jobanyń jalpy quny – 46 mlrd teńge. Qurylys merzimi 2029 jylǵa deiin, al qurylys-montaj jumystary 2024–2028 jyldary júrgiziledi”, – dedi Káripbaev.
Eske salsaq, “Qasqasý” jobasy 2019 jyly Túrkistan oblysynyń 2024 jylǵa deiingi áleýmettik-ekonomikalyq damý jónindegi keshendi josparyna engizilgen. Joba aiasynda teńiz deńgeiinen 1750–3200 metr biiktikte shańǵy trassalary, arqan joldary, býgeldi joldar, kótergishter, qonaqúiler, meiramhanalar, akvapark, alpilik aýyl, oiyn-saýyq, sport jáne jattyǵý ortalyqtary salynady dep josparlanǵan.
