Aral-Syrdariia basseindik inspektsiiasynyń mamandary Túrkistan oblysy Shardara aýdanynyń Jaýshyqum sýarý alqabynan tirkelmegen 24 sorǵy qondyrǵysyn anyqtady, – dep habarlaidy Dalanews.kz
Tekserý nátijeleri tiisti sharalar qabyldaý úshin jergilikti atqarýshy organdarǵa joldandy. Sondai-aq jergilikti ákimdikke anyqtalǵan zańbuzýshylyqtardy joiý boiynsha usynystar berildi.
Eske sala ketsek, 2025 jyldyń birinshi toqsanynda Sý resýrstary jáne irrigatsiia ministrliginiń basseindik inspektsiialary 20 tekserý júrgizip, nátijesinde 26 zań buzýshylyq anyqtalyp, 10 uiǵarym shyǵarylyp, 13,3 mln teńge somasyna 133 ákimshilik aiyppul salyndy.
2024 jyly basseindik inspektsiialar 439 tekserý júrgizip, onyń barysynda 1 855 zań buzýshylyq anyqtalyp, 429 uiǵarym shyǵaryldy. Jalpy somasy 48,4 mln teńgege 582 ákimshilik aiyppul salyndy.
«10 maýsymnan bastap jańa Sý kodeksi kúshine enedi. Qujatqa sáikes, basseindik inspektsiialar qadaǵalaý jáne jedel áreket etý sharalaryn qabyldaý quqyǵyna ie bolady. Sonymen qatar Sý kodeksine sáikes, Ákimshilik kodekske de ózgerister engizilip, sý zańnamasyn buzǵandarǵa jazalaý sharalary kúsheitiledi»,- dedi Sý resýrstary jáne irrigatsiia ministri Nurjan Nurjigitov.
