Ortalyqtyń negizgi maqsaty — tsifrlandyrý júiesimen barlyq salalardaǵy múmkindikterdi paidalaný, jastardy tsifrlyq-elektrondy túrde qyzmet alýǵa úiretý jáne elektrondyq úkimet portalynda qyzmet alý daǵdylaryn jetildirý.
Osylaisha, ortalyqta 40 asa memlekettik qyzmet kórsetý túrleri kórsetiledi. Atap aitsaq, jataqhanaǵa ornalasý, synaq kitapshasyn alý jáne t.b.
Is sharada Departament basshysy Ǵ.Tursynbaev búgingi kúni Qazaqstannyń elektrondy úkimetti damytý salasyndaǵy jetistikterin álem moiyndaǵanyn atap ótip, Elbasy Joldaýyna sáikes, 2020 jylǵa deiingi memlekettik qyzmet kórsetýdi 90% elektrondy júiege kóshirý jumystary qarqyndy júrip jatqanyn jetkizdi.
Sonyń bir aiǵaǵy, «Tsifrly Qazaqstan» baǵdarlamasyn júzege asyrýda búgin kolledj stýdentterine qyzmet kórsetý ortalyǵy ashylyp otyrǵanyn tilge tiek etti. Al, Korporatsiia basshysy E.Jeńisbekov kolledj oqytýshylary men stýdentterge kartreider arqyly jeke kýáliktegi ETsQ-men (elektrondy tsifrlyq qoltańba) e.gov portalynan qajetti qujat túrlerin alýǵa bolatynyn aitty.
Shara barysynda kolledj direktory G.Bekbergenova ashylyp otyrǵan ortalyqtyń jumysyn tiimdi júrgizý úshin kolledj mamandary HQKO taǵlymdamadan ótip, arnaiy sertifikattarǵa ie bolǵanyn.
Ortalyqtyń ashylýymen 2000-ǵa jýyq stýdenttiń ýaqytyn únemdeýge jol ashylǵanyn, «Tsifrly Qazaqstan» baǵdarlamasy stýdentterdiń alańsyz bilim alýyna múmkindigin berip otyrǵanyn jáne «SMART-kolledj» baǵdarlamasy engizilgenin aityp ótti. Buǵan qosa, «NurOtan» partiiasynyń «Órkeniet» bastaýysh uiymynyń qoldaýymen stýdentter bul ortalyqta Tassai turǵyn alabynyń turǵyndaryna qyzmet kórsetetin bolady dep málimdedi.
Shara sońynda Ǵ.Tursynbaev elimizde tsifrlandyrý júiesimen barlyq salalar qamtylyp keletinin aita kele, bar múmkindikterdi paidalanyp jastardy elektrondy túrde qyzmet alýǵa shaqyrdy jáne bul bastamany oblystyń barlyq oqý oryndarynda engizýdi usyndy.
