Túrkistan oblysynda sottalǵandar shý shyǵarǵan, - dep habarlaidy Dalanews.kz.
Túrkistan oblysy QAJD baspasóz qyzmeti málimetinshe, túzeý mekemesindegi keibir tutqyndar qamaýda ustaý rejimimen kelispeýine bailanysty daý týyndaǵan.
20 qyrkúiekte keshke sottalǵandar elektr transformatoryn órtep jibergen. Tártipsizdik kezinde Ulttyq ulannyń eki áskeri qyzmetkeri men bir politsiia qyzmetkeri jeńil jaraqat alyp, olarǵa meditsinalyq kómek kórsetilgen.
Qazir bul derek boiynsha Qylmystyq kodekstiń 428-babynyń 3-bóligi boiynsha qylmystyq is qozǵaldy (Qylmystyq-atqarý mekemesi ákimshiliginiń zańdy talaptaryna baǵynbaý, Qoǵamnan oqshaýlaýdy qamtamasyz etetin mekeme ákimshiliginiń zańdy talaptaryna toptasyp baǵynbaýdy uiymdastyrý, sol siiaqty kúsh qoldanýmen nemese ózine qandai da bir qasaqana ziian keltirýmen ushtasqan ne ózge de aýyr zardaptarǵa ákep soqqan toptasyp baǵynbaýǵa qatysý).
