Túrkistan oblysynda shirkeıge qarsy dárileý jumystary bastaldy

Dalanews 11 naý. 2024 17:07 1630

Túrkistan oblysynda shirkeıge qarsy dezınseksıalaý jumystary Syrdarıa ózeniniń bastaýynan bastaldy. Mamandar oblys aýmaǵyndaǵy 352 shaqyrym Syrdarıa ózenin 6 aımaqqa bólip, árbir 60 shaqyrymyn dárilemek. Sondaı-aq, olar dárilik zattyń tórt túlik malǵa, balyq pen ózge tirshilik ıelerine qaýipsiz ekendigin atap ótti.

Shirkeılerdiń dernásilderimen kúresý úshin dárilerdi sýǵa jiberý ádisi, al sý qorǵaý jáne dalalyq aımaqtarda hımıalyq óńdeý ádisi qoldanylmaq.

Dezınseksıa jumystarynyń óńdeý alańy, dáriniń kólemi - ǵylymı súıemeldeýdiń qorytyndysyna sáıkes júrgizilýde. Bıyl 8 aqpannan bastap ǵylymı súıemeldeý jumystary júrgizilgen bolatyn. Atalǵan baǵyttaǵy jumystarǵa 42 tehnıka men 96 jumysshy kúshi jumyldyrylǵan.

Qazirgi tańda oblysta shirkeılerge qarsy dárileý jumystaryn merdiger «Satti Tulik» JSHS-i júrgizýde. Dezınseksıa jumystaryna áýe ushaǵy, arnaıy kólikter men mamandar tartylǵan.


Usynylǵan
Sońǵy jańalyqtar