تۇركىستان وبلىسىندا شىركەيگە قارسى دەزينسەكسيالاۋ جۇمىستارى سىرداريا وزەنىنىڭ باستاۋىنان باستالدى. ماماندار وبلىس اۋماعىنداعى 352 شاقىرىم سىرداريا وزەنىن 6 ايماققا ءبولىپ، ءاربىر 60 شاقىرىمىن دارىلەمەك. سونداي-اق، ولار دارىلىك زاتتىڭ ءتورت تۇلىك مالعا، بالىق پەن وزگە تىرشىلىك يەلەرىنە ءقاۋىپسىز ەكەندىگىن اتاپ ءوتتى.
شىركەيلەردىڭ دەرناسىلدەرىمەن كۇرەسۋ ءۇشىن دارىلەردى سۋعا جىبەرۋ ءادىسى، ال سۋ قورعاۋ جانە دالالىق ايماقتاردا حيميالىق وڭدەۋ ءادىسى قولدانىلماق.
دەزينسەكسيا جۇمىستارىنىڭ وڭدەۋ الاڭى، ءدارىنىڭ كولەمى - عىلىمي سۇيەمەلدەۋدىڭ قورىتىندىسىنا سايكەس جۇرگىزىلۋدە. بيىل 8 اقپاننان باستاپ عىلىمي سۇيەمەلدەۋ جۇمىستارى جۇرگىزىلگەن بولاتىن. اتالعان باعىتتاعى جۇمىستارعا 42 تەحنيكا مەن 96 جۇمىسشى كۇشى جۇمىلدىرىلعان.
قازىرگى تاڭدا وبلىستا شىركەيلەرگە قارسى دارىلەۋ جۇمىستارىن مەردىگەر «Satti Tulik» ءجشس-ى جۇرگىزۋدە. دەزينسەكسيا جۇمىستارىنا اۋە ۇشاعى، ارنايى كولىكتەر مەن ماماندار تارتىلعان.
