Oblystaǵy barlyq sailaý ýchaskelerinde, jergilikti ýaqyt boiynsha memlekettik Ánuran shyrqalyp, alǵashqy sailaýshylar óz tańdaýyn jasap, daýys berýde.
Túrkistan oblysynyń ákimi Darhan Satybaldy Túrkistan qalasyndaǵy №133 sailaý ýchaskesine baryp, óz tańdaýyn jasady.
Bul ýchaskede 2 myńnan astam sailaýshy tirkelgen. Atalǵan aýmaqta sailaýshylardyń belsendiligi óte joǵary. Olardyń arasynda 18-ge endi tolǵan jastar men zeinetkerler bar.
Túrkistan oblysynda jalpy úmitkerlerdiń jalpy sany – 1211. QR Parlamenti Májilisine – 19 úmitker, oblystyq jáne aýdan, qalalyq máslihattarǵa – 1192 úmitker tirkelgen. Birmandattyq aýmaqtyq sailaý okrýgteri boiynsha – 1112, oblystyq máslihatqa 23 okrýg boiynsha – 81 kandidat, aýdan, qalalyq máslihattarǵa 292 okrýg boiynsha – 1031 adam kandidatýrasyn usynǵan. Partiialyq tizimmen tirkelgender sany – 80. Jalpy birmandatty okrýgter boiynsha úmitkerler sany – 1131.
Oblysta 1168658 sailaýshy bar. Bul – respýblika boiynsha eń joǵarǵy kórsetkish. Daýys berý kezinde oblystaǵy 941 sailaý ýchaskesinde 8 myńnan astam baiqaýshy jumys istep jatyr.
Sailaý kúni múgedektigi bar jandarǵa da tiisti jaǵdai jasalǵan. Barlyq óńirdegi sailaý ýchaskelerinde Brail shrifti bar trafaretter, kandidattar tizbesi bar biýlletenderdiń aýdio nusqalary qoljetimdi. Sondai-aq sailaý ýchaskelerinde sanitarlyq talaptar saqtalǵan.
