Túrkistan oblysynda quny 615 mln. dollar bolatyn 13 joba iske asady
Bul jospar is júzinde oryndalsa, óńirde 3 myń jańa jumys oryndary ashylatyn bolady. Bul týraly búgin Óńirlik kommýnikatsiialar qyzmetinde ótken baspasóz jiynynda «Kazakh Invest» Ulttyq kompaniiasynyń óńirlik direktory Dáýletqoja Mamyrov málimdedi.
Onyń sózinshe, jyl sońyna deiin quny 47,5 mln. AQSh dollardy quraityn 3 joba iske qosylady dep kútilýde. Nátijesinde jańadan 500-ge jýyq jumys orny paida bolady.
– Búgingi kúnge deiin túrli salalarda 50 biznes jospar jasalǵan. Onyń ishinde 4 joba oblysymyzǵa tiesili. Olardyń qatarynda turmystyq qaldyqtardy qaita óńdeitin zaýyt, túie sútinen ónimder óndiretin kásiporyn jáne aliýminii jáne plastmassalyq buiymdaryn shyǵaratyn óndiris orny bar. Odan bólek, qosymsha 10-ǵa jýyq sheteldik investorlardy tartý boiynsha kelissózder júrgizilýde. Aita ketetin jáit kóptegen sheteldik kompaniialar bizdiń óńirimizge kelip, jumys isteýge erekshe qyzyǵýshylyq tanytyp otyr, – dedi Dáýletqoja Mamyrov.
Saraptamalyq zertteýler nátijesinde álemniń damyǵan 36 eli investitsiia quiýǵa áleýetti ekeni anyqtalǵan. Alaida, iskerlik qarym-qatynas ornatý boiynsha AQSh, Resei, Ulybritaniia, Germaniia, Frantsiia, Italiia, QHR, Japoniia, Ońtústik Koreia, Túrkiia, BAÁ siiaqty elderge basymdyq berilgen. Qazirgi tańda atalǵan elderde qarjy kózderin tartý boiynsha «KAZAKH INVEST» ókildikteri men elshilerdiń arnaiy investitsiia boiynsha keńesshileri jumys isteýde.
Túrkistan oblysy ákiminiń baspasóz qyzmeti
