Túrkistan oblysynda 26 onlain nesie rásimdedi degen kúdikke ilingen er adam ustaldy, dep habarlaidy Dalanews.kz.
Otyrar.kz taratqan aqparatqa sáikes, óńirde kiberqylmyspen kúres baǵytyndaǵy jumystar qarqyndy túrde jalǵasyp jatyr.
Óńirlik kommýnikatsiialar qyzmetinde ótken brifingte PD Kiberqylmysqa qarsy is-qimyl basqarmasy basshysynyń mindetin atqarýshy Ermek Shakim internet alaiaqtyǵyna bailanysty qazirgi ahýalǵa toqtaldy.
Onyń aitýynsha, alaiaqtardyń eń jii qoldanatyn tásilderi – bank qyzmetkerimiz dep telefon soǵý, aldyn ala tólem talap etý, kúmándi investitsiialarǵa aqsha salýdy usyný, tanystyń atyn jamylyp qarajat suraý, sondai-aq jalǵan syilyqtar men utystardy alǵa tartý.
Jyl basynan beri politseiler birneshe kópepizodty qylmysqa qatysy bar adamdardy anyqtap, qolǵa túsirgen.
Saýran aýdanynyń turǵyny ózge azamattardyń atyna 26 onlain nesie rásimdedi degen kúdikpen ustaldy.
Sonymen birge Maqtaaral aýdanynyń turǵyny ózin jumysqa turǵyzyp beremin dep, segiz adamdy aldaǵan, al Shymkent qalasynyń bir turǵyny osyndai tórt qylmysqa qatysy bar ekeni belgili boldy.
