Túrkistan oblysynda “Oqýǵa qushtar mektep” jobasy aiasynda mektep kitaphanalary jańa kitap qorymen tolyqtyrylýda, – dep habarlaidy Dalanews.kz
Jalpy oblysta 70-ke jýyq Coworking-ortalyq, kitaphanashylar klýby, oqyrman jobalary iske qosylǵan. Qazirgi tańda oqýshy oqyrmandar úlesi 80%-dy quraidy.
Budan bólek, oblysta “Kel, balalar, oqylyq!” kitaphanashylar klýby qurylyp, “KITAPLIKE” oqyrmandar klýby jáne “Kitaptardy jarnamalaý” jobalary qolǵa alynǵan.
Sonymen qatar, óńirde “KITAPHANA+TEATR” jobasy, “Otbasymen birge kitap oqimyz” atty marafon, “Kanikýlda kitap oqimyz” atty keń kólemdi is-sharalar uiymdastyrylýda. Sondai-aq, mektep kitaphanalarynda “Oqý saǵaty”, iaǵni ár oqýshynyń mektepke kelgende 20 minýt kitap oqý arqyly qyzyǵýshylyǵyn arttyrý jumystary turaqty túrde júrgizilip keledi. Oblys kóleminde avtorlyq “KitapHAN@“ kitap oqý saiysyn 2021 jyldan bastap jalpy pán muǵalimderi men mektep kitaphanashylary arasynda ótkizý dástúrge ainalyp, is-tájiribe respýblika kóleminde taratylýda.
Aita keteiik, QR Oqý-aǵartý ministrliginiń Respýblikalyq ǵylymi-pedagogikalyq kitaphanasymen «KitapXAH» kitap oqytý ádisin júzege asyrý aiasynda yntymaqtastyq ornatylǵan. Nátijesinde Túrkistan oblysynyń is-tájiribesi respýblika kóleminde taratylýda.
