Konkýrstyń ereksheligi sheshýshi kezeńi Feısbýk áleýmettik jelisinde tikeleı efırde júrgizildi, – dep habarlaıdy Dalanews.kz Túrkistan oblysy ákiminiń baspasóz qyzmetine silteme jasap.
Túrkistan oblysy ákiminiń orynbasary Beısenbaı Tájibaev bilim uıalarynyń basshylaryna, jalpy ustazdarǵa mańyzdy jaýapkershilik júktelgenin, basshylardy taǵaıyndaý ádil júrgizilýi tıis ekenin aıtty.
– Túrkistan – demografıalyq ósimi joǵary óńir. Oqýshy sany da jyl saıyn artyp keledi. Oblysta 900-den asa mektep, 1000-nan asa balabaqsha bar. Sondyqtan bilim salasy ókilderine, ustazdar qaýymyna artylar jaýapkershilik óte joǵary. Bilim salasyndaǵy azamattar, ustazdar qaýymy ózderine júktelgen jaýapkershilikti júrekpen sezedi dep senemin. Urpaq tárbıesin sapaly júrgizip, adam kapıtalyn damytý – óte mańyzdy jumys.
Bul rette bilim uıymdarynyń basshylaryn irikteý ádil ári ashyq júrgizilýi tıis. Búgingi konkýrs barysy áleýmettik jelide tikeleı kórsetilip jatyr. Komısıa quramyna da bilikti azamattar tartyldy. Komısıa árbir úmitkerge tereń taldaý júrgizip, biliktiligine, parasattylyǵyna, adamı bolmysyna ádil baǵasyn berýi tıis. Úmitkerlerge sáttilik tileımin, – dedi Beısenbaı Tájibaev.
Bilim berý uıymdarynyń birinshi basshylaryn taǵaıyndaý zań talaptaryna saı júrgizilip jatyr. «Áńgimelesý» kezeńine 53 úmitker qatysýda. Olar 35 mekemege basshy bolýdan úmitti. Úmitkerdi baǵalaý ashyq daýys berý arqyly júrgiziledi.
Sonymen qatar baǵalaý paraǵy qosa tirkeledi.
Aıta keterligi, talapqa sáıkes úmitkerler «Áńgimelesý» kezeńine deıin konkýrstyń qujat tirkeý, test, qamqorshylyq keńesten kelisim alý kezeńderinen ótken. Olardyń arasynda eńbek ótili 30 jyldan asqan asa tájirıbeli ustazdar bar.
AITPAQSHY...
Statı degen aılaker esińizde me? Atyshýly kásipkermen 10 jyldan beri sottasyp jatqan Qazaqstan jeńilgeli tur. Ol týraly myna aradan oqı alasyz: t.me/dalainside
