Túrkistan oblysynda ekstremıstik sıpattaǵy materıaldardy taratty degen kúdikke ilingen sheteldik er adam ustaldy, dep habarlaıdy Dalanews.kz.
Jedel-izdestirý is-sharalary barysynda Túrkistan oblysy polısıa departamentiniń ekstremızmge qarsy is-qımyl basqarmasynyń qyzmetkerleri Qazaqstan azamattary arasynda, onyń ishinde áleýmettik jeliler arqyly halyqaralyq terorıstik uıymdardyń ýaǵyzshylarynyń beınerolıkterin jáne terorızm ıdeologıasyn nasıhattaıtyn materıaldardy taratqan radıkaldy dinı ıdeıalardy jaqtaýshy taıaý shetel azamatyn ustady.
Kúdiktini jeke tintý kezinde jedel ýákilder zattaı dáleldemeler bolyp tabylatyn materıaldar bar eki uıaly telefondy tárkiledi. Qylmystyq is qozǵaldy. Kúdikti ýaqytsha ustaý ızolátoryna qamaldy. Qazirgi ýaqytta osy fakt boıynsha jedel-tergeý is-sharalary júrgizilip jatyr. Tıisti saraptamalar taǵaıyndaldy.
