تۇركىستان وبلىسىندا ەكسترەميستىك سيپاتتاعى ماتەريالداردى تاراتتى دەگەن كۇدىككە ىلىنگەن شەتەلدىك ەر ادام ۇستالدى، دەپ حابارلايدى Dalanews.kz.
جەدەل-ىزدەستىرۋ ءىس-شارالارى بارىسىندا تۇركىستان وبلىسى پوليسيا دەپارتامەنتىنىڭ ەكسترەميزمگە قارسى ءىس-قيمىل باسقارماسىنىڭ قىزمەتكەرلەرى قازاقستان ازاماتتارى اراسىندا، ونىڭ ىشىندە الەۋمەتتىك جەلىلەر ارقىلى حالىقارالىق تەرروريستىك ۇيىمداردىڭ ۋاعىزشىلارىنىڭ بەينەروليكتەرىن جانە تەرروريزم يدەولوگياسىن ناسيحاتتايتىن ماتەريالداردى تاراتقان راديكالدى ءدىني يدەيالاردى جاقتاۋشى تاياۋ شەتەل ازاماتىن ۇستادى.
كۇدىكتىنى جەكە ءتىنتۋ كەزىندە جەدەل ۋاكىلدەر زاتتاي دالەلدەمەلەر بولىپ تابىلاتىن ماتەريالدار بار ەكى ۇيالى تەلەفوندى تاركىلەدى. قىلمىستىق ءىس قوزعالدى. كۇدىكتى ۋاقىتشا ۇستاۋ يزولياتورىنا قامالدى. قازىرگى ۋاقىتتا وسى فاكت بويىنشا جەدەل-تەرگەۋ ءىس-شارالارى جۇرگىزىلىپ جاتىر. ءتيىستى ساراپتامالار تاعايىندالدى.
