20 maýsymda Túrkistan oblystyq soty eki balasyn tunshyqtyryp óltirgen Qyzylordalyq anaǵa úkim shyǵardy,dep habarlaidy Dalanews.kz.
Otyrar portalynyń aqparaty boiynsha, sottalǵan adam orta rejimdegi koloniiada 15 jylǵa bas bostandyǵynan airyldy.
"Isti alqabiler birneshe ai boiy qarady. Bul protsesti jýrnalisterge sottalýshy men alqabilerdi kórsetpeý shartymen jariialaýǵa ruqsat etildi", - delingen habarlamada.
Eske salaiyq, buǵan deiin Túrkistan oblysynda eki balasyn tunshyqtyryp óltirdi degen kúdikke ilingen áiel ustalǵany habarlanǵan edi.
Áieldi izdeýge oblystyq politsiia departamentiniń barlyq jeke quramy, kórshiles aimaqtar men megapolister baǵyttaldy. Barlyq qajetti jedel-tergeý is-sharalary júrgizildi.
Qabyldanǵan sharalardyń nátijesinde jedel ýákilder kúdiktini Shymkent qalasyndaǵy qonaq úilerdiń birinde ustady.
Adam óltirý faktisi boiynsha barlyq mán-jailardy anyqtaý maqsatynda tergeý júrgizilýde. Tiisti saraptamalar taǵaiyndaldy. Kúdikti áiel qamaýǵa alyndy. Istiń tergeý barysy meniń jeke baqylaýymda, - dedi Túrkistan oblysy PD bastyǵy Murat Qabdenov.
