20 ماۋسىمدا تٷركٸستان وبلىستىق سوتى ەكٸ بالاسىن تۇنشىقتىرىپ ٶلتٸرگەن قىزىلوردالىق اناعا ٷكٸم شىعاردى,دەپ حابارلايدى Dalanews.kz.
Otyrar پورتالىنىڭ اقپاراتى بويىنشا, سوتتالعان ادام ورتا رەجيمدەگٸ كولونييادا 15 جىلعا باس بوستاندىعىنان ايرىلدى.
"ٸستٸ القابيلەر بٸرنەشە اي بويى قارادى. بۇل پروتسەستٸ جۋرناليستەرگە سوتتالۋشى مەن القابيلەردٸ كٶرسەتپەۋ شارتىمەن جارييالاۋعا رۇقسات ەتٸلدٸ", - دەلٸنگەن حابارلامادا.
ەسكە سالايىق, بۇعان دەيٸن تٷركٸستان وبلىسىندا ەكٸ بالاسىن تۇنشىقتىرىپ ٶلتٸردٸ دەگەن كٷدٸككە ٸلٸنگەن ەيەل ۇستالعانى حابارلانعان ەدٸ.
ەيەلدٸ ٸزدەۋگە وبلىستىق پوليتسييا دەپارتامەنتٸنٸڭ بارلىق جەكە قۇرامى, كٶرشٸلەس ايماقتار مەن مەگاپوليستەر باعىتتالدى. بارلىق قاجەتتٸ جەدەل-تەرگەۋ ٸس-شارالارى جٷرگٸزٸلدٸ.
قابىلدانعان شارالاردىڭ نەتيجەسٸندە جەدەل ۋەكٸلدەر كٷدٸكتٸنٸ شىمكەنت قالاسىنداعى قوناق ٷيلەردٸڭ بٸرٸندە ۇستادى.
ادام ٶلتٸرۋ فاكتٸسٸ بويىنشا بارلىق مەن-جايلاردى انىقتاۋ ماقساتىندا تەرگەۋ جٷرگٸزٸلۋدە. تيٸستٸ ساراپتامالار تاعايىندالدى. كٷدٸكتٸ ەيەل قاماۋعا الىندى. ٸستٸڭ تەرگەۋ بارىسى مەنٸڭ جەكە باقىلاۋىمدا, - دەدٸ تٷركٸستان وبلىسى پد باستىعى مۇرات قابدەنوۆ.
