Túrkistan oblysynda bir áýlettiń 5 adamy birdei aýyr jaza arqalady, - dep habarlaidy Dalanews.kz KTK telearnasyna siltep.
Telearna málimetinshe, eki adamdy atyp óltirdi degen kúdikke ilikkenderdiń ekeýi - 20 jyl, qalǵan úsheýine 25 jyl jaza kesildi.
Qandy qylmys byltyr tamyz aiynda Arys qalasynda bolǵan. Jer úidiń aýlasynda demalyp otyrǵan jigitterdi betin tumshalaǵan eki jendet qarýmen atyp ketken. Oqiǵa ornynda bokstan burynǵy oblys chempiony, "Chernyi Almas" laqap atymen tanymal Almas Joldasov pen 23 jastaǵy Jandaýlet Qabylov kóz jumdy. Jaraqat alǵan taǵy eki adam aýrýhanaǵa jetkizilgen. Jaralanǵandardyń biri politsiia qyzmetkeri eken.
Kóp uzamai 53 jáne 25 jastaǵy jaldamaly jendetter ustaldy. Olar tipti adam óltirýge tapsyrysty kim bergenin de aityp bergen. "Chernyi Almas" sottalýshylardyń týysyn óltirgen eken. Kek qaitarý úshin jinalǵan bir áýlettiń jigitteri eki týysyn daiyndap, qarýyna deiin sailap bergen.
Kisi óltirgen aǵaiyndylardyń ekeýi 20 jylǵa, al 24, 26 jáne 20 jastaǵy qylmysty uiymdastyrýshylar 25 jylǵa sottaldy.
