Túrkistan oblysyna QR Premer-ministriniń keńesshisi Eraly Toǵjanov jumys saparymen keldi. Ol óńirdegi aýdandardaǵy «Aýyl amanaty» jobasy boiynsha atqarylǵan jumystarmen tanysyp, osy jobany júzege asyrý jóninde keńeitilgen májilis ótkizdi.
Oǵan Túrkistan oblysynyń ákimi Darhan Satybaldy, basqarmalar men aýdan, qala basshylary, joba júzege asqan aýyl okrýg ákimderi qatysty. Májilisti júrgizgen Túrkistan oblysynyń ákimi Darhan Satybaldy «Aýyl amanaty» jobasynyń oblys úshin mańyzy joǵary ekenin jetkizdi.
– Ózińizge belgili, Túrkistan oblysynyń agroónerkásiptik kesheni respýblikada erekshe oryn alady. Klimattyq jaǵdaiy, jumys kúshi turǵysynda aýyl sharýashylyǵyn júrgizý úshin eń qolaily óńir bolyp esepteledi. Oblysta 1 millionnan astam turǵynnyń áleýmettik-ekonomikalyq jaǵdaiy aýyl sharýashylyǵymen tikelei bailanysty. Memleket basshysynyń tapsyrmasymen júzege asyrylyp jatqan «Aýyl amanaty» jobasy oblys halyqynyń tabysyn arttyrýǵa ońdy nátijesin berdi. Búgingi tańda baǵdarlama esebinen 30 mlrd. teńgeniń ónimi óndirildi, 3413 jańa jumys orny quryldy, 75 kooperativ ashyldy, – dedi Darhan Satybaldy.
QR Premer-ministriniń keńesshisi Eraly Toǵjanov «Aýyl amanaty» jobasyn júzege asyrý barysyndaǵy oń tájiribeler men ózekti máselelerge toqtaldy. Jaýapty basqarmalar men aýyldyq okrýg ákimderine jobany talapqa sai júzege asyrýdy tapsyrdy. Tek mal sharýashylyǵy ǵana emes, ózge de salalarǵa basymdyq berý kerektigin aitty.
– Memleket basshysy óz qyzmetine kirisken kezde aýyldardy damytý jóninde tapsyrma bergen bolatyn. 80 paiyzdan astam turǵyny aýyldarda turatyn Túrkistan oblysy úshin bul bastamanyń mańyzy zor. «Aýyl amanaty» jobasynyń maqsaty – birinshiden, aýyl turǵyndaryn jumyspen qamtý, tabysyn molaitý. Ekinshiden, aýyldan jastar iri megapolisterge kóship ketip jatyr. Solarǵa jaǵdai jasap, aýyldardy aman saqtap qalý jáne kóshi-qondy retteý kózdelgen. Úshinshiden, azyq-túlik qaýipsizdigin saqtaý jáne otandyq ónim úlesin kóbeitý. Aýyldaǵy turǵyndar ónimderdi ózi óndirý arqyly tabysyn molaityp qana qoimai, elimizdi otandyq ónimmen qamtýǵa úles qosady. Biz turǵyndardyń kásippen shuǵyldanyp, tabys tabýyna kómektesýge mindettimiz.
Búgingi kezdesýdiń maqsaty – osy jobanyń júzege asyrý barysyn talqylaý jáne tájiribe almasý. Ózara keńesip, úzdik tájiribelerdi bólisý. Túrkistan oblysynda «Aýyl amanaty» jobasy sátti júzege asyrylyp jatyr. Birqatar jobamen tanystyq, izdenis, damý bar. Ár oblystyń ǵana emes, áý aýdannyń, ár aýyldyń damý jospary bolýy tiis. «Aýyl amanaty» jobasyn júzege asyrýda da jańashyldyq, izdenister qajet, – dedi Eraly Toǵjanov.
Májiliste «Aýyl amanaty» jobasyn joǵary deńgeide júzege asyrǵan Aqtóbe oblysy, Mártók aýyldyq okrýginiń tájiribesi kópshilikke baiandalsa, aqtóbelik kooperativtiń jetistikteri de úlgi retinde usynyldy.
Túrkistan oblystyq aýyl sharýashylyǵy basqarmasynyń basshysy Nurbek Badyraqovtyń baiandamasy tyńdaldy. Onyń aitýynsha, «Aýyl amanaty» jobasy, aýyl turǵyndarynyń tabysy men áleýmettik jaǵdailarynyń kóterilýine yqpalyn tigizdi. 2023 jyly Respýblikalyq biýdjetten baǵdarlamany júzege asyrýǵa 19,8 mlrd. teńge bólinip, negizgi 6 baǵytty qarjylandyrýǵa basymdylyq berilip, 3256 joba qarjylandyrylǵan. Jobaǵa pilottyq túrde 64 aýyldyq okrýgi qatysty.
Nátijesinde 3413 jańa jumys oryndary quryldy, ataýly áleýmettik kómek alýshylar sany 340 adamǵa qysqartyldy, tabys kózi ortasha jalaqy 20 paiyzǵa ulǵaidy, shaǵyn kásipkerler sany 2 544 birlikke artqan. 64,2 myń bas mal basy satyp alynyp, 19 qaita óńdeý kásiporny ashylyp, 16,4 ga alqapqa 328 jylyjailar salynǵan. Osy jobalar esebinen 30 mlrd. teńgeniń ónimi óndirilgen.
Osy kórsetkishter negizge alynyp, «Aýyl amanaty» boiynsha Túrkistan óńirine bólinetin qarjy kólemin ulǵaitý jóninde usynys berildi. Sebebi, naqty is, qozǵalys, eń bastysy, aýyl turǵyndary tarapynan qyzyǵýshylyq bar. Bul baǵytta jumys qarqyny báseńdemeidi.
