Bilim berý granttaryn taǵaiyndaý konkýrsyna biyl 127 myńǵa jýyq talapker ótinish bergen. Baiqaý talaptary boiynsha úmitkerler 4 túrli bilim berý baǵdarlamasy men joǵary oqý ornyn tańdaýǵa quqyly, dep habarlaidy dalanews.kz.
Ótinimder nátijesinde Abai ýniversitetin 22 myńnan astam talapker tańdap, tarihy 100 jylǵa jýyqtaǵan tuńǵysh joǵary oqý ornynda bilim alýǵa niet bildirip otyr. Osylaisha «Talapker – 2026» naýqanynda pedagogikalyq kóshbasshy qasietti qara shańyraq elimizdiń jetekshi ýniversitetteri arasynan aldyńǵy qatarǵa shyqty.
Qazaqstan boiynsha 13-20 shilde aralyǵynda memlekettik grant konkýrsyna ótinish qabyldaý júrgizildi. Jalpy sany 127 myńǵa jýyq talapker konkýrsqa ótinish jazǵan. QR Ǵylym jáne joǵary bilim ministrliginiń málimetinshe biyl bakalavriat deńgeiinde bilim alýǵa 75 myńnan astam grant bólinip otyr. Granttardyń basym bóligi (60%) injenerlik baǵyttaǵy mamandyqtarǵa, 20% – pedagogikalyq mamandyqtarǵa, 20% – basqa salalarǵa eńbek naryndaǵy qajettilikti eskere otyryp berildi.
Abai ýniversitetiniń qabyldaý komissiiasy da memlekettik grantqa ótinish qabyldaý naýqanyn sátti júrgizdi. Konkýrs talaptaryna sai talapker 4 túrli bilim berý baǵdarlamasy men joǵary oqý ornyn tańdaýǵa quqyly ekenin eskersek, osyndai naqty tańdaý boiynsha pedagogikalyq baǵytta Ortalyq Aziia men Qazaqstandaǵy kóshbasshy ýniversitet elimizde aldyńǵy qatarǵa shyǵyp otyr. Ulttyq testileý ortalyǵynyń deregine sáikes, Abai atyndaǵy QazUPÝ-dy respýblika boiynsha 22 115 talapker óz tańdaýynda kórsetkeni soǵan naqty dálel. Onyń ishinde: 1-tańdaýda – 6479, 2-tańdaýda – 6162, 3-tańdaýda – 5458, 4-tańdaýda – 4016 talapker belgilegen.
Sondai-aq ýniversitetke 423 «Altyn belgi» iegeri, 614 úzdik attestat/diplom ieleri, 16 patriottyq jetistikteri nemese pándik olimpiada jeńimdary oqýǵa túsýge ótinim bildirgen. Kóptegen talapkerler Abai ýniversitetindegi quqyq, shet muǵalimderi daiarlaý jáne informatika páni muǵalimi bilim berý baǵdarlamalaryn tańdaǵan. Atap aitsaq, (KZ-FR-007) «Quqyq» – 1 230 , B018 «Shetel tili muǵalimderin daiarlaý» – 1 173, B011 «Informatika muǵalimderin daiarlaý» – 953 ótinish túsken.
Memlekettik bilim berý grant nátijesi 10 tamyzǵa deiin jariialanady. Al ýniversitettiń qabyldaý komissiiasy 25 tamyzǵa deiin jumys isteidi.
