Raqymshylyqpen bostandyqqa shyqqan Baqytjan Baijanovqa alty jyl merzimge ákimshilik qadaǵalaý men probatsiialyq baqylaý belgilendi, dep habarlaidy dalanews.kz.
IIM Qylmystyq-atqarý júiesi komitetiniń málimetinshe, tiisti sheshimdi sot qabyldaǵan.
«Sot qaýlysymen Baqytjan Baijanovqa probatsiialyq baqylaý belgilenip, 6 jyl merzimge ákimshilik qadaǵalaý taǵaiyndaldy», – dep habarlady komitet.
Baqytjan Baijanov «Qazaqstan Respýblikasynyń jańa Konstitýtsiiasynyń qabyldanýyna bailanysty raqymshylyq jasaý týraly» zań aiasynda bosatyldy.
Eske salaiyq, ol 2024 jyldyń mamyrynda tórt jylǵa sottalǵan bolatyn. Sondai-aq Konstitýtsiianyń 30 jyldyǵyna orai jariialanǵan raqymshylyq kezinde onyń jaza merzimi qysqartylǵan.
Osylaisha, Baijanovtyń ótelmegen jaza merzimi 3 ai 18 kúndi quraǵan.
