Jalpy, Túrkistan oblysyny boiynsha 6808 ardagerge Uly Jeńis merekesiniń qurmetine bir rettik materialdyq kómek tóleý úshin aýdandyq, qalalyq biýdjet esebinen 233,2 mln teńge qarjy bólindi. Tólemder 4 mamyrǵa deiin tolyq aiaqtalady. Onyń ishinde:
- 28 Uly Otan Soǵysyna qatysýshylary men múgedekterine – 1 mln.teńge teńge;
- 6722 tyl eńbekkerleri men qaza bolǵan jaýyngerdiń jesirlerine – 30 000 teńge;
- 55 blokadalyq Leningradtyń turǵynyna, soǵysta qaitys bolǵandardyń jesirlerine – 60 000 teńge;
- 3 kámiletke tolmaǵan burynǵy tutqyndarǵa, UOSQ,UOSM teńestirilgen basqa da sanattarǵa – 100 000 teńge belgilendi.
Túrkistan oblysy boiynsha Ekinshi dúniejúzilik soǵysy ardagerleriniń beinesimen bilbordtar ornatylady.
Sonymen qatar, Túrkistan oblysynyń barlyq aýdan, qalalarynda oblys ákiminiń tapsyrmasyna sáikes soǵys ardagerleriniń úilerine baryp, quttyqtaý sharalary júrgiziledi. Ardagerler uiymdarynyń tóraǵalarymen birlesip ótkiziletin shara barysynda karantin talaptary qatań saqtalady. Onda oblys ákimi Ómirzaq Shókeevtiń atynan ardagerlerge quttyqtaý tilegi jetkizilip, syi-qurmet kórsetiledi.
Oblys boiynsha Uly Otan soǵys ardagerleri turǵyn úimen tolyq qamtamasyz etilgen. Saýyqtyrý sharalaryn júrgizý maqsatynda soǵys ardagerlerine jasaqtalǵan áleýmettik kartanyń nátijesinde densaýlyq saqtaý salasy tarapynan 28 ardagerdiń úiine baryp, qajetti meditsinalyq qyzmet kórsetildi. Dispanserlik tekserýden ótkizildi.
Oblys boiynsha 315 eskertkish, 78 memorialdar, monýmenttik keshender bar. Búgingi tańda olardyń birqatary jańartylýda.
Jyl saiyn aǵa urpaq ókilderin saýyqtyrý maqsatynda 7,8 myń jekelegen sanattaǵy azamattar demalyp, emdeledi (Ardagerler úiinde-4000, «Meiir»ardagerler úiinde -3800 soǵys ardagerleri men olarǵa teńestirilgender, zeinetkerler).
Búgingi tańda áleýmettik qashyqtyqtyń saqtalýyna bailanysty 7800 orynǵa ardagerlerdiń 50% jaiǵastyrylyp, iaǵni 3900 zeinetker densaýlyǵyn túzetýge múmkindik alýda.
Sonymen qatar, Uly Otan soǵysy ardagerleri men olarǵa teńestirilgen tulǵalarǵa basymdyq berilip, birinshi kezekte atalǵan demalys oryndaryna joldama beriletin bolady.
