جالپى، تۇركىستان وبلىسىنى بويىنشا 6808 ارداگەرگە ۇلى جەڭىس مەرەكەسىنىڭ قۇرمەتىنە ءبىر رەتتىك ماتەريالدىق كومەك تولەۋ ءۇشىن اۋداندىق، قالالىق بيۋدجەت ەسەبىنەن 233،2 ملن تەڭگە قارجى ءبولىندى. تولەمدەر 4 مامىرعا دەيىن تولىق اياقتالادى. ونىڭ ىشىندە:
- 28 ۇلى وتان سوعىسىنا قاتىسۋشىلارى مەن مۇگەدەكتەرىنە – 1 ملن.تەڭگە تەڭگە؛
- 6722 تىل ەڭبەككەرلەرى مەن قازا بولعان جاۋىنگەردىڭ جەسىرلەرىنە – 30 000 تەڭگە؛
- 55 بلوكادالىق لەنينگرادتىڭ تۇرعىنىنا، سوعىستا قايتىس بولعانداردىڭ جەسىرلەرىنە – 60 000 تەڭگە؛
- 3 كامىلەتكە تولماعان بۇرىنعى تۇتقىندارعا، ۇوسق،ۇوسم تەڭەستىرىلگەن باسقا دا ساناتتارعا – 100 000 تەڭگە بەلگىلەندى.
تۇركىستان وبلىسى بويىنشا ەكىنشى دۇنيەجۇزىلىك سوعىسى ارداگەرلەرىنىڭ بەينەسىمەن بيلبوردتار ورناتىلادى.
سونىمەن قاتار، تۇركىستان وبلىسىنىڭ بارلىق اۋدان، قالالارىندا وبلىس اكىمىنىڭ تاپسىرماسىنا سايكەس سوعىس ارداگەرلەرىنىڭ ۇيلەرىنە بارىپ، قۇتتىقتاۋ شارالارى جۇرگىزىلەدى. ارداگەرلەر ۇيىمدارىنىڭ توراعالارىمەن بىرلەسىپ وتكىزىلەتىن شارا بارىسىندا كارانتين تالاپتارى قاتاڭ ساقتالادى. وندا وبلىس اكىمى ءومىرزاق شوكەيەۆتىڭ اتىنان ارداگەرلەرگە قۇتتىقتاۋ تىلەگى جەتكىزىلىپ، سىي-قۇرمەت كورسەتىلەدى.
وبلىس بويىنشا ۇلى وتان سوعىس ارداگەرلەرى تۇرعىن ۇيمەن تولىق قامتاماسىز ەتىلگەن. ساۋىقتىرۋ شارالارىن جۇرگىزۋ ماقساتىندا سوعىس ارداگەرلەرىنە جاساقتالعان الەۋمەتتىك كارتانىڭ ناتيجەسىندە دەنساۋلىق ساقتاۋ سالاسى تاراپىنان 28 ارداگەردىڭ ۇيىنە بارىپ، قاجەتتى مەديسينالىق قىزمەت كورسەتىلدى. ديسپانسەرلىك تەكسەرۋدەن وتكىزىلدى.
جىل سايىن وبلىستىڭ تاريحي جانە مادەني ەسكەرتكىشتەرىنىڭ تەحنيكالىق جاعدايىنا مونيتورينگ جۇرگىزىلىپ، تيىسىنشە جوندەۋ جانە اباتتاندىرۋ جۇمىستارى جۇزەگە اسىرىلۋدا.
وبلىس بويىنشا 315 ەسكەرتكىش، 78 مەموريالدار، مونۋمەنتتىك كەشەندەر بار. بۇگىنگى تاڭدا ولاردىڭ ءبىرقاتارى جاڭارتىلۋدا.
جىل سايىن اعا ۇرپاق وكىلدەرىن ساۋىقتىرۋ ماقساتىندا 7،8 مىڭ جەكەلەگەن ساناتتاعى ازاماتتار دەمالىپ، ەمدەلەدى (ارداگەرلەر ۇيىندە-4000، «مەيىر»ارداگەرلەر ۇيىندە -3800 سوعىس ارداگەرلەرى مەن ولارعا تەڭەستىرىلگەندەر، زەينەتكەرلەر).
بۇگىنگى تاڭدا الەۋمەتتىك قاشىقتىقتىڭ ساقتالۋىنا بايلانىستى 7800 ورىنعا ارداگەرلەردىڭ 50% جايعاستىرىلىپ، ياعني 3900 زەينەتكەر دەنساۋلىعىن تۇزەتۋگە مۇمكىندىك الۋدا.
سونىمەن قاتار، ۇلى وتان سوعىسى ارداگەرلەرى مەن ولارعا تەڭەستىرىلگەن تۇلعالارعا باسىمدىق بەرىلىپ، ءبىرىنشى كەزەكتە اتالعان دەمالىس ورىندارىنا جولداما بەرىلەتىن بولادى.
