Túrkistan oblysynda 55 bala 1 synypqa barady
Onyń sózinshe, óńirdegi bilim berý uiymdarynyń jańa oqý jylyna daiyndyq jumystary josparly túrde júrgizilýde.
– Aǵymdaǵy jóndeý jumystaryna 105,5 mln. teńge qaralyp, bilim mekemelerinde ákteý, syrlaý jumystary júrgizilip, qazir olardyń jartysynan kóbi jańa oqý jylyna daiyn. Barlyq bilim nysandaryn 25 tamyzǵa deiin aiaqtaý josparlanýda. 2018 jyly 47 bilim nysandarynyń kúrdeli jóndeý jumystaryna oblystyq jáne jergilikti biýdjetten 4,3 mlrd teńge bólingen. Onyń 40-y mektep, 1-eýi mektep-internat, 6-aýy kolledj, – dedi basqarma basshysy.
2018-2019 oqý jylynda óńirimizde 54915 búldirshin mektep tabaldyryǵyn attaidy. Jańartylǵan bilim berý mazmunyna 3,6,8 synyptardyń kóshýine bailanysty oqýlyqtardy satyp alýǵa jáne jetkizýge jergilikti biýdjetten 4,9 mlrd. teńge bólindi.
Sondai-aq, 1 tamyz ben 30 qyrkúiek aralyǵynda «Mektepke jol» dástúrli jalpyrespýblikalyq qaiyrymdylyq aktsiiasy ótedi dep josparlanýda. Atalǵan shara aiasynda 2017 jyly oblystaǵy az qamtamasyz etilgen jáne kóp balaly 26749 otbasy jáne jetim balalar men ata-anasynyń qamqorlyǵynsyz qalǵan balalarǵa jalpy quny 314 mln. teńge kóleminde materialdyq kómek kórsetilgen.
Aita keteiik, oblystyq bilim basqarmasyna qarasty "Taý Samaly" oblystyq mamandandyrylǵan oqý-saýyqtyrý ortalyǵy" MQKK kommýnaldyq menshikten memlekettik múlikti tapsyrý erejesine sáikes, múliktik keshen retinde «Baldáýren» respýblikalyq oqý saýyqtyrý ortalyǵynyń menshigine ótkizildi. Endi "Taý Samaly" ortalyǵy Qazaqstannyń barlyq aimaǵynan, atap aitqanda Almaty, Túrkistan oblysy siiaqty halqy tyǵyz ornalasqan aimaqtardan balalardy barynsha qamtýǵa múmkindik beredi. "Taý Samaly" ortalyǵynyń "Baldáýren" ROSO balansyna kóshýi qyzmetkerlerdiń shtatynyń saqtalýyn qamtamasyz etedi jáne atalǵan aýdan turǵyndary úshin qosymsha jumys oryndary ashylatyn bolady.
Túrkistan oblysy ákiminiń baspasóz qyzmeti
