Túrkistan oblysynda bıylǵy oqý jylynda jalpy 278 46 oqýshy mektep bitiredi. Onyń 2 084-i «Altyn belgige», 1 329-y úzdik atestatqa úmitker. Bul týraly búgin Óńirlik komýnıkasıalar qyzmetinde ótken brıfıńte oblystyq adamı áleýetti damytý basqarmasy basshysynyń orynbasary Ardaq Mádihanqyzy málimdedi, – dep habarlaıdy Dalanews.kz.

Onyń aıtýynsha, karantındik rejımge baılanysty bıyl qorytyndy atestattaý jumystary sanıtarıalyq qaýipsizdik sharalaryn qatań saqtaı otyryp júrgiziledi.

– Óńirimizde 9-10 synyp oqýshylary 28 mamyr, 2 jáne 5 maýsym kúnderi bilim synaǵyn jazbasha túrde tapsyrady. Al, 11-12 synyp oqýshylary 1, 4, 7, 10 maýsym kúnderi synaqtan ótedi. Al, «Altyn belgige» úmitkerlerdiń emtıhan jumystaryn basqarma tarapynan qurylǵan komısıa qaraıtyn bolady. Bul jumystarǵa 312 bilikti muǵalim qatysady dep josparlanyp otyr, – dedi Ardaq Mádihanqyzy.

Sondaı-aq, brıfıńte oblys kóleminde 2021 jyldyń 26 mamyr men 19 maýsym aralyǵynda jazǵy mektepter jumys isteıtini málim boldy. Onda oqý materıalyn meńgerýde qıyndyqtary bar, oqý úlgerimi tómen oqýshylarǵa qosymsha sabaqtar ótkiziletin bolady.