Onyń aitýynsha, karantindik rejimge bailanysty biyl qorytyndy attestattaý jumystary sanitariialyq qaýipsizdik sharalaryn qatań saqtai otyryp júrgiziledi.
– Óńirimizde 9-10 synyp oqýshylary 28 mamyr, 2 jáne 5 maýsym kúnderi bilim synaǵyn jazbasha túrde tapsyrady. Al, 11-12 synyp oqýshylary 1, 4, 7, 10 maýsym kúnderi synaqtan ótedi. Al, «Altyn belgige» úmitkerlerdiń emtihan jumystaryn basqarma tarapynan qurylǵan komissiia qaraityn bolady. Bul jumystarǵa 312 bilikti muǵalim qatysady dep josparlanyp otyr, – dedi Ardaq Mádihanqyzy.
Sondai-aq, brifingte oblys kóleminde 2021 jyldyń 26 mamyr men 19 maýsym aralyǵynda jazǵy mektepter jumys isteitini málim boldy. Onda oqý materialyn meńgerýde qiyndyqtary bar, oqý úlgerimi tómen oqýshylarǵa qosymsha sabaqtar ótkiziletin bolady.
