«Biznestiń jol kartasy 2020» baǵdarlamasy aiasynda 2010 jyldan qazirgi tańǵa deiin 43 mlrd. teńgege 1500 jobaǵa qarjylai qoldaý kórsetilgen.
Nátijesinde 6 myńnan astam jańa jumys oryndary qurylyp, biýdjetke 63 mlrd. teńgeniń salyǵy túsken. Búgin bul týraly Túrkistan oblysynyń Óńirlik kommýnikatsiialar qyzmetinde ótken brifingte Kásipkerlik jáne indýstrialdy innovatsiialyq damý basqarmasynyń basshysy Ǵanibet Áýbákirov málimdedi.
Sondai-aq, aǵymdaǵy jyly atalǵan baǵdarlama aiasynda 4,4 mlrd. teńgege 400 jobaǵa qoldaý kórsetildi.
«Atap aitqanda, kásipkerlerdiń bankterdegi kreditteri boiynsha paiyzdyq stavkany sýbsidiialaýǵa 4,2 mlrd.teńge bólinip, 350 joba sýbsidiialanǵan. Kásipkerlerdiń bankterdegi kreditteri boiynsha ishinara 102 mln.teńge bólinip, 30 joba kepildendirilgen. Shaǵyn kásipkerlik sýbektilerine memlekettik granttar usynýǵa 60 mln. teńge qaralyp, 20 jobaǵa memlekettik granttar usynylǵan», — dedi Ǵanibet Qanatuly.
Túrkistan oblysy boiynsha aǵymdaǵy jyldyń 9 aiy boiynsha negizgi kapitalǵa tartylǵan investitsiia kólemi 163,5 mlrd.teńgeni qurady. Bul turǵyda Sozaq aýdany (26,1 mlrd.teńge), Túrkistan qalasy (16,6 mlrd.teńge) jáne Shardara aýdany (15 mlrd.tg) kósh bastap keledi. Investitsiia kózi bolyp tabylatyn jeke investitsiialar kólemi 94 mlrd. teńgeni quraǵan.
Túrkistan oblysynda investitsiialardy tartý baǵytynda qolaily investitsiialyq klimat qurý, sondai-aq aimaqtyń investitsiialyq áleýetin arttyrý maqsatynda Elbasynyń 2018 jylǵy 29 qyrkúiektegi Jarlyǵyna sáikes kópsalaly «TURKISTAN» arnaiy ekonomikalyq aimaǵy quryldy.
