Qoǵamdyq qabyldaýǵa Túrkistan oblystyq qoǵamdyq densaýlyq saqtaý basqarmasynyń basshysy Marat Pashimov málimdeme jasap, óńir turǵyndarynyń suraqtaryna onlain rejiminde jaýap berdi. Efirdi «Nur Otan» partiiasy Túrkistan oblystyq filialy tóraǵasynyń birinshi orynbasary Beisen Tájibaev júrgizip otyrdy.
Marat Pashimov áýeli indetpen kúres kezindegi atqarylyp jatqan jumystardy baiandady. Onyń aitýynsha, Túrkistan oblysy boiynsha 10 shildege deiingi jaǵdaiǵa sai 2100 naýqastan koronavirýs anyqtalǵan. Onyń 1116-sy simptomdy túri bolsa, 990-y simptomsyz. Desek te, naýqastardyń búginge deiin 819-y jazylyp shyqqan. Ókinishke qarai, 20 adam koronavirýs infektsiiasynan kóz jumǵan.
Al pnevmoniia boiynsha 5421 naýqas tirkelse, onyń ishinde 4720 adam (87,1 paiyz) aýrýhanaǵa jatqyzylǵan. Búgingi kúnge 2993 naýqastyń 63,4 paiyzy aiyǵyp shyqqan.
– Juqpaly aýrýlarmen kúres maqsatynda oblys ákimi Ómirzaq Shókeevtiń tikelei qadaǵalaýymen barlyq sharalar atqarylýda. Bilesizder, infektsiialyq gospital bólek, provizorlyq bólek. Birinshiden, ashqanda infektsiialyq gospitalǵa 220 tósek-oryn bolǵan. Qazir ol qosymsha 440-qa deiin kóbeidi. Jansaqtaý bólimine qosymsha 21 tósek-oryn qarastyrylǵan. Qazirgi tańǵa infektsiialyq gospitalda 202 naýqas em qabyldaýda. 238 tósek-oryn iaǵni 45 paiyzy bos tur. Onyń ishinde jasandy ókpeni jeldetý apparattarymen 1 naýqas em qabyldaýda. Osy jerden 1895 provizorlyq statsionarlyq oryn ashylǵan. Jansaqtaý bólimine qosymsha 74 tósek oryn qarastyrylǵan. Jasandy ókpe jeldetý apparattary qazirgi tańda oblys boiynsha 178 apparat bar. Kúndizgi statsionar oblys kóleminde alǵashqy meditsitsnalyq kómek kórsetý uiymdastyrylǵan bazasynda qosymsha 596 tósek oryn qarastyrylyp otyr, – dedi Marat Pashimov.
Túrkistan oblystyq qoǵamdyq densaýlyq saqtaý basqarmasynyń basshysy halyq arasynda «Jedel járdem shaqyrý aqyly bolady. Quny 5400 teńge» degen negizsiz qaýesetke senbeýge shaqyrdy. Ol sondai-aq, ondai buiryq engizilmegenin jetkizdi. Bul jalǵan aqparat 15 maýsymnan bastap aýrýhanaǵa naýqastar kóp túskenine bailanysty taraǵan bolatyn. Basqarma basshysy bul jaǵdaidy da túsindirip ótti.
Oblys boiynsha 15 maýsymnan bastap aýrýhanaǵa 3300-ge deiin naýqas jatqyzylǵan. Qazirgi tańda jaǵdai turaqtalyp keledi. Iaǵni táýligine túsetin qońyraý 2000-ǵa tómendegen. 103 jedel bailanys nómirleri táýlik boiy jumys atqarýda jáne árbir qońyraý aýdioǵa jazylyp otyrady. Dispetcherdiń de jumysy jiti baqylaýda.
Dári-dármekke bailanysty aqparatynda Túrkistan oblysy boiynsha 923 dárihana bar ekenin atap ótti. Koronavirýs pen pnevmoniiaǵa qarsy Túrkistan oblysynyń ákimi Ómirzaq Shókeevtiń bastamasymen Ózbekstanyń Tashkent qalasynan jalpy quny 500 mln teńgeni quraityn 2 fýra júk kóligimen dári-dármek jetkizilgen. Olar erteńnen bastap emdeý mekemelerine taratyla bastaidy. Sondai-aq, Túrkiia elinen de qajetti dáriler aldyrylýda. Bul týraly oblys basshysy 9 shilde kúni ótkizgen brifingte málimdeme jasaǵan bolatyn.
Basqarma basshysy M.Pashimovke efir barysynda turǵyndar tarapynan 50-den astam saýaldar joldanyp, onyń negizgilerine jaýap berdi. Aldaǵy ýaqytta partiia alańyna bas dárigerler arnaiy kelip, osylai ashyq formatta onlain qoǵamdyq qabyldaýlar ótkizedi. Eldiń saýaldaryna tikelei jaýap berip, týyndaǵan máselelerdi sheshýge jumylady. Sonymen birge indetke bailanysty halyqqa dári-dármek pen demeýshilik kómekterdi birlese uiymdastyryp júrgizedi. Basqarma basshysy turǵyndardy karantin rejimin qatań saqtaýǵa shaqyrdy.
«Nur Otan» partiiasy, Túrkistan oblystyq filialynyń baspasóz qyzmeti
