Túrkistan oblysy biýdjetiniń 48,2 paiyzy bilim salasyna bólinýde – Darhan Satybaldy
<span;>Túrkistanda bilim salasyndaǵy ózekti máseleler talqylanǵan májilisi ótti. Oǵan Qazaqstan Respýblikasy Oqý-aǵartý ministri Ǵani Beisembaev, Túrkistan oblysynyń ákimi Darhan Satybaldy qatysty. Sonymen birge ministrlik ókilderi, aýdan, qala ákimderiniń salaǵa jaýapty orynbasarlary, quzyrly organ ókilderi, aýdandyq, qalalyq bilim bólimderiniń basshylary, oblystyq jáne aýdan, qala deńgeidegi ádiskerler, oblystyq bilim mekemeleriniń basshylary jáne mektep direktorlary qatysty. Jiyndy Túrkistan oblysy ákiminiń orynbasary Beisen Tájibaev júrgizip otyrdy.
<span;>Oqý-aǵartý ministrligi men oblystyq bilim basqarmasynyń birlesken buiryǵy negizinde biyl 13-24 qarasha aralyǵynda Túrkistan óńirindegi 5 aýdan, qaladaǵy 235 memlekettik orta bilim berý uiymynda keshendi monitoring jumystary júrgizilip, qorytyndysymen saladaǵy birqatar júieli kemshilikter bar ekeni anyqtaldy.
Bul týraly májiliste QR Oqý-aǵartý ministrliginiń Bilim salasynda sapany qamtamasyz etý komitetiniń tóraǵasy Elnur Dáýenov baiandamasynda aityp ótti.
<span;>QR Oqý-aǵartý ministri Ǵani Beisembaev Túrkistan óńiriniń áleýeti zor ekenine toqtalyp, bilim salasy qyzmetkerlerin aýyzbirshilikpen jumys isteýge shaqyrdy.
<span;>– Qai zamanda da ustazdar, aǵartýshylar óziniń ziialy sózimen, bilimimen, júris-turysymen kópke úlgi bolyp, qoǵamdy aǵartqan. Eldi birlikke, jaqsylyqqa, izgilikke bastaǵan. Ustazdar qaýymyna úlken mindet júktelgen. Sizder adal qyzmet etip, urpaqqa bilim berip, Túrkistan oblysynyń ideologiialyq jumystaryna kómektesýlerińiz kerek.
Saladaǵy biraz máseleler anyqtalyp, talqylandy. Endi biz oilanýymyz kerek. Óitkeni, bilim salasy ol – memlekettiń qaýipsizdik salasy. Aldaǵy ýaqytta Túrkistan óńiri bilim salasynda biik belesterden kórinip, rýhani ortalyq ekenin dáleldei túsedi dep senemin. Ministrlik tarapynan tarihi óńirge qoldaý kórsetý jalǵasa beredi, – dedi Ǵani Beisembaev.
<span;>Túrkistan oblysynyń ákimi Darhan Satybaldy bilim salasyna qoldaý kórsetý, bilimdi urpaq tárbieleý – eń basty mindet ekenin jetkizdi. Óńirde bilim sapasyn jaqsartý, materialdyq bazany jańartý, mektepter salý, «Qaýipsiz mektep» jobasy aiasyndaǵy jumystardy baiandap, bilim salasy qyzmetkerlerine úlken jaýapkershilik júktelip otyrǵanyn málimdedi.
<span;>– Sizderdi alda kele jatqan Jańa jyl merekesimen quttyqtaimyn! Búgingi jiynda – bilim berý isindegi jetistikterimiz ben kemshilikterimizdi saralap, aldaǵy mindetterdi talqylaimyz. Men oblys ákimi qyzmetine kirsken sátten bastap, osy saladaǵy máselelerdi zerdelep, jumys josparyn jasadyq. Aýdan, qalalarǵa issaparlarymda ákimdermen birge mindetti túrde bilim bólimi basshylarynyń da esepterin tyńdaimyn. Máselelerdi anyqtap, osy saladaǵy jumysty baqylap júremin.
Sebebi, bilim salasyn damytpai, qoǵam damýy qiyn. Túrkistan oblysy biýdjetiniń 48,2 paiyzy bilim salasyna bólinýde. Memleket basshysy Qasym-Jomart Kemeluly mektep tapshylyǵyn joiý, oqýshylardyń alańsyz bilim alýyna jaǵdai jasaý jóninde tapsyrma berdi. Osy maqsatta oblysta 2023-2025 jyldar aralyǵynda 96 mektep salynýda. Biyl osy mektepterdiń 20-sy oqýshylardy qabyldaidy. Oblysta balalardy qorǵaý, áleýmettik qoldaý maqsatynda naqty sharalar qabyldanyp, biýdjet shyǵystary esebinen 12 mlrd. teńge qaraldy. «Qaýipsiz mektep» jobasy aiasynda balalar qaýipsizdigin qamtamasyz etýge 5,9 mlrd. teńge qarjy bóldik. Mektepterge 7 myńnan astam beinekamera ornatylyp, politsiia departamentiniń jedel basqarý ortalyǵyna qosyldy. Memlekettik 938 bilim berý mekemesi 100% dabyl batyrmasymen qamtylyp, jedel basqarý ortalyǵyna qosyldy. 573 bilim berý uiymy tolyq litsenziialanǵan kúzet qyzmetine ótti. Jańa oqý jylynan bastap oblystaǵy bastaýysh synypta oqityn oqýshylar túgel ystyq tamaqpen qamtamasyz etildi. Jyl sońyna deiin oǵan oblystyq biýdjetten 6,2 mlrd. teńge qarjy qaraldy. Biz bilim berý salasyna qoldaý kórsetýdi, bilim sapasyn jaqsartý, saladaǵy kemshilikterdi joiý, bilim bólimi basshylary men direktorlarynyń jaýapkershiligin kóterý jumystaryn jalǵastyra beremiz, – dedi Darhan Satybaldy.
<span;>Májiliste Túrkistan oblystyq bilim basqarmasynyń basshysy Ǵalymjan Jumashevtyń baiandamasy tyńdaldy. Onyń aitýynsha, bilim salasyndaǵy máselelerdi sheshý baǵytynda Jol kartasy ázirlenip, tiisti jumystar júrip jatyr.
<span;>Aita keteiik, Túrkistan oblysynda búgingi kúni jalpy 1032 mektepte 520 myńǵa jýyq oqýshy bilim alýda. Al 1409 balabaqshada 157 myńǵa jýyq bala tárbielenýde. Sonymen birge óńirdegi 52 kolledjde 40 myńnan astam stýdent oqidy.
