«Túrkistan kanal» sharýalardy sýdan taryqtyrmaidy
Byltyr qarasha aiynda bastalǵan qurylys jumystary jyl aiaǵyna deiin aiaqtalýy tiis. Qurylys barysy óńir tilshilerine tanystyryldy.
Birer aidyń ishinde nysandy tolyqtai aiaqtap bitýi tiis qurylysshylardyń jumysy qyz-qyz qainap jatyr. Kanaldy jóndeýge respýblikalyq biýdjetten 1 mlrd. 760 mln. teńge qaralǵan.
Sý qoimanyń jobalyq kólemi 370 mln/m3, jaǵa jieginiń uzyndyǵy – 35 shaqyrymnan asady. Qurylys jumystaryna bas-aiaǵy 80-nen astam jumysshy jumyldyrylǵan.
– Jóndeý jumystaryn 20 jeltoqsanǵa deiin aiaqtaimyz. Qazir kanaldyń 2 jarym shaqyrymy betondaldy. Qalǵanyn mejeli ýaqytta bitemiz. Jumysshylar jergilikiti turǵyndar, – dedi bólik basshysy Sábit Nurkishev.
Jergilikti bilik ókilderi sharýalar endi aǵyn sýdan tapshylyq kórmeitinin aitýda. Sýarý maýsymynda tirshilik nárinen tarshylyq kóretin túrkistandyq, ordabasylyq dihandardyń máselesi sheshilgen desek bolady. Nysan jóndeýden ótkennen keiin kanaldyń sý ótkizý múmkindigi artyp, japsarlas aýyldardy sý alý qaýpiniń de beti qaitady.
– Jerdiń betine deiin sý shyǵyp ketetin. Byltyr 44 uńǵyma paidalanýǵa berdik. Aldaǵy ýaqytta 11- in paidalanýǵa beremiz. Osylaisha jer asty sýyp rettep, sýdy únemdeimiz, – deidi Bógen aýyldyq okrýginiń ákimi Shámet Bektai.
Jalpy Ordabasy aýdanynda 75 myń gektarǵa egistik egilgen. Aýdan boiynsha qazirgi tańda 6 myńǵa jýyq jer paidalanýshy bar. Egistikterge 85 kanal arqyly sý jetkizildi. Onyń 4-ýi — respýblikalyq, 72-si kommýnaldyq, 9-y — jeke menshik ieliginde. Jyl basynan beri sýarmaly jerlerdiń aýqymyn keńeitý maqsatynda 6 kanal aǵymdaǵy jóndeýden ótipti. Bul jumystar 1500 gektarǵa jýyq sýarmaly jerdi ainalymǵa qosýǵa múmkindik bergen.
«Dalanews» aqparat
