- Jalpy erejeler
1.1. Baiqaý merzimi 2019 jyldyń 13 naýryzy men 7 maýsymy aralyǵyn qamtidy.
1.2. Baiqaý 2 (eki) janr boiynsha ótkiziledi:
- Poeziia (óleń, óleńder toptamasy, ballada, poema);
- Proza (esse, áńgime, povest).
- Baiqaý maqsaty men sharttary:
2.1. Baiqaýdyń maqsaty:
- Túrkistannyń mártebesin kóterý;
- jas urpaq boiynda tól tarihymyzǵa degen qyzyǵýshylyqty kúsheitý;
- aqyn-jazýshylardyń qoǵamdaǵy bedelin arttyrý;
- jas urpaqty otanshyldyqqa tárbieleý;
- jasóspirimderdiń qazaqstandyq ádebietke degen qyzyǵýshylyqtaryn arttyrý;
- qazirgi qazaqstandyq avtorlardyń shyǵarmashylyqtaryn dáripteý.
2.1. Baiqaýdyń sharttary:
- baiqaýǵa 2019 jyldyń 13 naýryzy men 7 maýsymy aralyǵynda joldanǵan týyndylar qatysady;
- baiqaýǵa respýblikamyzdyń barlyq aimaǵynan kez-kelgen qalamger qatysa alady;
- baiqaý qazaq tilinde ótedi jáne qatysýshynyń jasyna shek qoiylmaidy;
- baiqaýǵa qatysýshy Túrkistan qalasynyń tarihyna (jer, sý, tarihi oryndar, tarihi tulǵalarǵa) qatysty ańyz-áńgime men derekter, tarihi oqiǵalar boiynsha jazylǵan shyǵarmalaryn usyna alady;
- bir avtor bir janr boiynsha ǵana baiqaýǵa qatysa alady;
- Baiqaýdy uiymdastyrý jáne ótkizý merzimi
3.1. Baiqaýdy uiymdastyrýshy – Túrkistan oblysynyń Ishki saiasat basqarmasy jáne «Rýhani jańǵyrý» jobalyq keńsesi;
3.2. Uiymdastyrýshy komitet jaýapty jáne júzege asyrady:
- baiqaýdy jáne aǵymdaǵy uiymdastyrý jumystarynyń jalpy basshylyǵyn júzege asyrady;
- baiqaýǵa túsken shyǵarmalardy saraptap, talapqa sai qabyldaidy;
- baiqaýdy aqparattyq qoldaýdy júzege asyrady;
- Baiqaý barysy men qorytyndysyn BAQ-da jariialanýymen ainalysady;
- marapattaý saltanatyn daiyndaidy jáne ótkizedi.
- árbir janr boiynsha qazylar alqasyn taǵaiyndap, shyǵarmalardy saralaidy.
3.3. Baiqaýǵa túsken shyǵarmalardy baǵalaý úshin ádil qazylar alqasy aqyn-jazýshylardan, ǵalymdardan, synshylardan, kitaphanashylardan, óner jáne mádeniet qairatkerleri men qoǵam qairatkerlerinen quralady.
- Shyǵarmalardy baǵalaý sharttary
4.1. Baiqaýǵa qatysýshylar ónerin baǵalaýdyń negizgi belgileri:
- tańdalǵan shyǵarmalardyń baiqaý erejelerine sáikestigi;
- tańdap alynǵan shyǵarmanyń ózindik ereksheligi;
- mátinniń beinelik jelisi men mazmundyq qurylymyn tereń sezinýi;
- shyǵarmanyń kórkemdik deńgeiiniń joǵary bolýyna, tarihi derekterdiń naqty jáne burmalanbaýyna nazar aýdarylady.
- Qatysýshylardy marapattaý
5.1. Qazylar sheshimimen ár janr boiynsha úzdik dep tanylǵan shyǵarmalar marapattalady.
Poeziia janry boiynsha:
- Bas júlde – 500.000(bes júz myń) teńge
- 1-oryn – 300.000(úsh júz myń) teńge
- 2-oryn – 200.000(eki júz myń) teńge
- 3-oryn – 150.000 (júz elý myń) teńge
- Qosymsha 3 qatysýshyǵa yntalandyrý syilyǵy – 50.000(elý myń) teńgeden;
Proza janry boiynsha:
- Bas júlde – 500.000(bes júz myń) teńge
1-oryn – 300.000(úsh júz myń) teńge
- 2-oryn – 200.000(eki júz myń) teńge
- 3-oryn – 150.000 (júz elý myń) teńge
- Qosymsha 3 qatysýshyǵa yntalandyrý syilyǵy – 50.000(elý myń) teńgeden.
5.2. Jeńimpazdardy marapattaý rásimi 2019 jyly 19 maýsym kúni Elbasynyń Túrkistan qalasyn oblys ortalyǵyna ainaldyrý jónindegi Jarlyǵynyń 1 (bir) jyldyǵyna orai Túrkistan qalasynda ótkiziledi.
- Jumysty rásimdeý talaptary
6.1. Baiqaýǵa shyǵarmalardy qabyldaý merzimi: 2019 jyldyń maýsym aiynyń 7-ine deiin. Shyǵarma myna elektrondy pochta boiynsha qabyldanady: turkistan_baikay@mail.ru
6.2. Usynylǵan shyǵarmanyń qarip ólshemi – 14, Times New Roman, 1,5 intervalmen jazylýy tiis.
6.3. Poeziia atalymy boiynsha shyǵarma kólemi – 16 betten ( 1 baspa tabaq), proza atalymy boiynsha 25 betten (1.5 baspa tabaq) aspaýy kerek.
6.4. Joldanǵan shyǵarmanyń alǵashqy betine janr ataýy jazylýy tiis. Mindetti túrde myna tómendegi málimetter kórsetilýi tiis:
- avtordyń tolyq aty, ákesiniń aty jáne tegi;
- qysqasha shyǵarmashylyq ómirbaiany men shyǵarmalary;
- mekenjaiy, bailanys telefony;
6.5. Baiqaý materialdary avtorlarǵa qaitarylmaidy.
Qosymsha suraqtar boiynsha 87763093055 telefon nómirine habarlasýǵa bolady.
