Túrkistan. COVID-19 infektsiiasynan saqtaný joldaryn túsindirdi
Oblystyq klinikalyq aýrýhanasymen qatar óńirdegi barlyq meditsinalyq uiymdar patsientterdi qabyldaýǵa daiyn, qajetti dári-dármektermen qamtylǵan,-deidi oblystyq klinikalyq aýrýhanasynyń infektsionist-dárigeri Tatiana Qasymova.
Al, oblystyq qoǵamdyq densaýlyq basqarmasynyń shtattan tys bas epidemiolog dárigeri Gúlnar Tólepova koronavirýstyń taralýyna jol bermeý úshin turǵyndar da tómendegidei profilaktikalyq sharalardy ustanýlary qajettigin aitýda.
Atap óter bolsaq:
- qoldy sabynmen jii jáne muqiiat jýý;
- adamdar kóp jinalatyn jerlerge barmaý;
- naýqas adamdarmen (JRVI) qarym-qatynasta bolmaý;
- dene qyzýynyń kóterilýi, jótelý, qiyn demalý belgileri bolsa 103 nómiri arqyly jedel meditsinalyq kómek shaqyrý qajet.
Halyqqa túsindirme jumystaryn júrgizgen
Oblystyq qoǵamdyq densaýlyq basqarmasynyń shtattan tys reanimatology Viacheslav Tsaidyń aitýynsha, dárigerler búkil álemdi dúrliktirgen indetke qarsy birneshe ret oqý kýrstarynan da ótken.
Qosymsha suraqtar týyndaǵan jaǵdaida turǵyndarǵa 1406 telefony jáne óńir boiynsha 109 nómiri arqyly shuǵyl aqparattyq ortalyǵyna habarlasýlaryna bolady.
Sondai-aq resmi aqparatty QR Densaýlyq saqtaý ministrliginiń, QR DSM Taýarlar men kórsetiletin qyzmetterdiń sapasy men qaýipsizdigin baqylaý komitetiniń saitynan jáne Feisbýk paraqshalarynan, Túrkistan oblysy ákimdigi saitynda ashylǵan https://turkestancovid19-agritech.hub.arcgis.com/ paraqshasynan oqýǵa bolady.
