– Qazir jergilikti undy eshqaidan tappaisyń. Shetelden ákelingen unnyń bir kelisi 12 manat turady. Shalǵaidaǵy aýyl turǵyndary ai saiyn bólinetin undy sońǵy márte naýryzda alǵan, – dep habarlady Azattyq radiosynyń Bairamalidegi tilshisi.
Túrkimenstannyń memlekettik dúkenderinde turǵyndarǵa ai saiyn bes keli unnan satý tártibi saqtalǵan. Unnyń bir kelisi – 1 manat (resmi baǵam: 1 dollar 3,5 manatqa teń).
– Nan satyp alý úshin aýyl turǵyndary tańerteń erte Bairamali qalasyna keledi. Halyq dúkenniń ashylýyna 3-4 saǵat qalǵanda kezekke tura bastaidy. Dúkenderdiń aldynda 50-60 adam kezekte turady, – deidi tilshi.
