Tilshi málimetine qaraǵanda, bir apta buryn astanada 30-dan astam jekemenshik naýbaihana nan men nan ónimderin shyǵarýdy toqtatqan.
– Kásiporyndardyń keibirinde orta eseppen on shaqty adam jumys isteidi. Naýbaihanalar jabylǵan ýaqytta júzdegen adam jumyssyz qaldy, – deidi jumysy toqtaǵan naýbaihanalardyń birindi istegen jumysshy.
Naýbaiqanalardyń jabylýyna memlekettik dúkenderde otandyq unnyń bolmaýy sebep bolǵan. Shetelden keletin un óte qymbat.
– Osy ýaqytqa deiin kásipkerler undy memlekettik dúkenderden astyrtyn satyp alyp júrdi. Endi kásiporyndar arzan un ala almaidy. Al shetelden keletin unnyń kelisi 25 manat turady, nandy 10 manattan satý olarǵa tiimsiz, - dedi jekemenshik naýbaihanada istegen jumysshy.
Túrkimen biligi eldegi azyq-túlik daǵdarysyn, un men nan tapshylyǵyn moiyndamai otyr. Úkimet jinalystarynda jyl saiyn elde 1 million 400 myń tonna astyq jinalady degen jalǵan esepter jii aitylady.
