Memleket basshysy jariialaǵan Jumysshy mamandyqtar jyly aiasynda túrkitildes elder arasyndaǵy tuńǵysh TurkicSkills kásibi sheberlik chempionaty 2025 jyldyń kúzinde resmi túrde túrki áleminiń mádeni astanasy tanylǵan Aqtaý qalasynda ótedi, dep habarlaidy Dalanews.kz.
Bul – jumysshy mamandyqtarynyń bedelin arttyrýǵa, kásibi keńistik qurýǵa jáne túrkitildes elderdiń jas mamandary arasynda tájiribe almasýdy yntalandyrýǵa baǵyttalǵan aýqymdy bastama. Chempionat jastardyń áleýetin ashýǵa, zamanaýi tehnologiialardy ilgeriletýge jáne ýaqyt talabyna sai bilikti jańa býyn kadrlaryn daiarlaýǵa arnalǵan mańyzdy alań bolmaq.
Chempionatqa 16 men 22 jas aralyǵyndaǵy 100-den astam jas maman men 80-ge jýyq joǵary bilikti sarapshy qatysady dep kútilýde. Qatysýshy elder qatarynda: Qazaqstan, Túrkiia, Ázerbaijan, Majarstan, Ózbekstan, Qyrǵyzstan, Túrikmenstan jáne Mońǵoliia bar.
Jarystar aqparattyq tehnologiialar, qurylys jáne qurylys tehnologiialary, óndiristik jáne injenerlik tehnologiialar, áleýmettik jáne jeke qyzmetter syndy 15 negizgi quzyrettilikti qamtidy. Ásirese mobildi robototehnika jáne ushqyshsyz ushý apparattaryn (drondardy) basqarý siiaqty bolashaǵy zor baǵyttarǵa erekshe kóńil bólinedi.
Chempionatty Qazaqstan Respýblikasy Oqý-aǵartý ministrligi uiymdastyrady. Jobany júzege asyrýshy — QR OM janyndaǵy «Talap» KEAQ jáne Mańǵystaý oblysynyń ákimdigi.
