Qyzylorda qalasynda habar-osharsyz ketken alty jasar Medina Muratbekqyzyn izdeý jumystary qaiǵyly aiaqtaldy. Qutqarýshylar búldirshinniń denesin Syrdariia ózeninen tapty, dep habarlaidy dalanews.kz.
Izdeý-qutqarý sharalary eki kúnge sozylǵan. Balany aman-esen tabý úshin quqyq qorǵaý organdary, tótenshe jaǵdailar qyzmeti, qutqarýshylar jáne arnaiy tehnika jumyldyryldy.
Eske salaiyq, Medina 5 maýsym kúni keshki saǵat 18:30 shamasynda Syrdariia ózeniniń mańynda ornalasqan "Rismash" shaǵyn aýdanyndaǵy úiinen shyǵyp ketip, qaita oralmaǵan.
Jedel qyzmetterdiń izdeý jumystaryna qaramastan, búldirshinniń ómirin saqtap qalý múmkin bolmady. Qazir qaiǵyly oqiǵanyń barlyq mán-jaiy anyqtalyp jatyr.
