"Túrki keńesi halyqaralyq quqyq normalary men qaǵidalaryn ustanatyndyǵyn taǵy bir ret bildire otyryp, Armeniia-Ázerbaijan janjaly Ázerbaijan Respýblikasynyń egemendigi, aýmaqtyq tutastyǵy jáne halyqaralyq deńgeide moiyndalǵan shekaralarynyń myzǵymastyǵy negizinde tez arada sheshilýi tiis dep esepteidi", – delingen málimdeme.
Osyǵan bailanysty Túrki keńesi BUU Qaýipsizdik Keńesiniń 1993 jyly qabyldanǵan tiisti sheshimderi negizinde Armeniia qarýly kúshteriniń Ázerbaijan Respýblikasynyń okkýpatsiialanǵan barlyq aýmaqtaryn jedel, sózsiz jáne tolyqtai bosatýyn talap etken eken.
"Beibit turǵyndardyń qazasyna bailanysty Ázerbaijan halqyna qaiǵyryp kóńil aitamyn. Qarýly qaqtyǵysta jaraqat alǵan azamattardyń tezirek saýyǵyp ketýin tileimin", – dedi óz kezeginde Túrki keńesiniń bas hatshysy Baǵdad Ámireev.
Jýrnalist, "Prezident jáne halyq" gazetiniń eks-redaktory Marat Toqashbaev qazaq halqynyń Ázirbaijannyń aýmaqtyq tutastyǵyn qoldaitynyn aitady.
"Biz qazaq jurty qaqtyǵystyń dereý toqtatylýyn, halyqaralyq normalardy óreskel buzyp otyrǵan Armeniia jaǵy Taýly Qarabah pen jeti aýdandy zańdy iesi Ázirbaijanǵa qaitaryp berýin talap etemiz", – deidi jýrnalist.
Onyń atap ótkenindei bul daýǵa 1991 jyly nátijesiz araaǵaiyndyq jasap Qazaqstan da aralasqan. Sonyń saldarynan 1991 jyly 20 qarashada Taýly Qarabahta táýelsiz baqylaýshy missiiasymen júrgen Qazaqstannyń Ishki ister ministriniń orynbasary, baýyrymyz, polkovnik Sailaý Serikov qaza tapty. Ol mingen tikushaqta 22 adam bolǵan. Eshkim tiri qalmady. Tikushaqty armiandar atyp túsirgen.
