وسىعان بايلانىستى تۇركى كەڭەسى بۇۇ قاۋىپسىزدىك كەڭەسىنىڭ 1993 جىلى قابىلدانعان ءتيىستى شەشىمدەرى نەگىزىندە ارمەنيا قارۋلى كۇشتەرىنىڭ ازەربايجان رەسپۋبليكاسىنىڭ وككۋپاسيالانعان بارلىق اۋماقتارىن جەدەل، ءسوزسىز جانە تولىقتاي بوساتۋىن تالاپ ەتكەن ەكەن.

"بەيبىت تۇرعىنداردىڭ قازاسىنا بايلانىستى ازەربايجان حالقىنا قايعىرىپ كوڭىل ايتامىن. قارۋلى قاقتىعىستا جاراقات العان ازاماتتاردىڭ تەزىرەك ساۋىعىپ كەتۋىن تىلەيمىن"، – دەدى ءوز كەزەگىندە تۇركى كەڭەسىنىڭ باس حاتشىسى باعداد امىرەيەۆ.

جۋرناليست، "پرەزيدەنت جانە حالىق" گازەتىنىڭ ەكس-رەداكتورى مارات توقاشبايەۆ قازاق حالقىنىڭ ءازىربايجاننىڭ اۋماقتىق تۇتاستىعىن قولدايتىنىن ايتادى.

"ءبىز قازاق جۇرتى قاقتىعىستىڭ دەرەۋ توقتاتىلۋىن، حالىقارالىق نورمالاردى ورەسكەل بۇزىپ وتىرعان ارمەنيا جاعى تاۋلى قاراباح پەن جەتى اۋداندى زاڭدى يەسى ءازىربايجانعا قايتارىپ بەرۋىن تالاپ ەتەمىز"، – دەيدى جۋرناليست.

ونىڭ اتاپ وتكەنىندەي بۇل داۋعا 1991 جىلى ناتيجەسىز ارااعايىندىق جاساپ قازاقستان دا ارالاسقان. سونىڭ سالدارىنان 1991 جىلى 20 قاراشادا تاۋلى قاراباحتا تاۋەلسىز باقىلاۋشى ميسسياسىمەن جۇرگەن قازاقستاننىڭ ىشكى ىستەر ءمينيسترىنىڭ ورىنباسارى، باۋىرىمىز، پولكوۆنيك سايلاۋ سەرىكوۆ قازا تاپتى. ول مىنگەن تىكۇشاقتا 22 ادام بولعان. ەشكىم ءتىرى قالمادى. تىكۇشاقتى ارمياندار اتىپ تۇسىرگەن.