Búgingi kúni «Qazaqstan ınjınırıń» UK» AQ «KAZAKH INEVST» UK» AQ-nyń kómegimen «Qazaqstan Aselsan Injınırıń» JSHS birlesken qazaqstan-túrik kásipornynda medısınalyq qural óndirisin uıymdastyrý múmkindigin qarastyryp jatyr.
«COVID-19 boıynsha aýrýdyń ósýi aıasynda densaýlyq saqtaý organdary qosymsha 3-4 myń ÓJJ satyp alýdy josparlap otyr. Bul apparattardyń serıalyq óndirisi 2020 jyldyń sáýirinde Túrkıada iske qosyldy.
Búgingi tańda Biyovent ÓJJ Nur-Sultan qalasynyń qalalyq juqpaly aýrýlar ortalyǵyna synaq júrgizý úshin usynylǵan. Zertteý nátıjeleri boıynsha óndiristi oqshaýlaý týraly sheshim qabyldanady", - dep atap ótti «KAZAKH INVEST» UK» AQ № 2 jobalarmen jumys departamenti jobasynyń jetekshisi Ámir Ahmetov.
Mamandar atap ótkendeı, Biosys – Túrkıadaǵy bıomedısınalyq jabdyqtardy ázirleýshi jáne óndirýshi kompanıa. ÓJJ Túrkıa kásiporyndarynyń tek ishki óndiristik múmkindikterin paıdalana otyryp ázirlengen jáne óndirilgen. Bul apparat Túrkıanyń Ǵylym, óner kásip jáne tehnologıalar mınıstrliginiń jáne Bılkent Tehnoparkiniń kómegimen 5 jyldyq ǵylymı-zertteý jáne tájirıbelik-konstrýktorlyq jumystardyń nátıjesi.
Biyovent ÓJJ zıatkerlik qaýipsizdik júıesi men yńǵaıly ınterfeısi bar. Qurylǵy ártúrli pasıentter tobymen (neonataldy, balalar, eresek) úılesimdi, keńeıtilgen adaptıvti baqylaýdyń ozyq algorıtmderin qoldanady. Apparatty qysqa merzimde 100-ge jýyq ınjenerdiń qatysýymen ASELSAN, Bilkent, Biosys, Arçelik túrik kompanıalarynyń konsorsıýmy pysyqtady.
