Aǵymdaǵy jyldyń birinshi jartyjyldyǵynda Almaty men Túrkiia arasyndaǵy taýar ainalymy ótken jyldyń osy kezeńimen salystyrǵanda (294 mln dollar) 32,5%-ǵa ulǵaiyp, 380 mln dollardan asty. Qazaqstandaǵy túrik kapitalynyń qatysýymen jumys isteitin kompaniialardyń jartysynan kóbi Almatyda ornalasqan.
Kezdesý barysynda «Almaty qalasyn 2025 jylǵa deiin damytý baǵdarlamasy jáne 2030 jylǵa deiingi orta merzimdi perspektivalar» boiynsha týristik salany damytýǵa kóp kóńil bólinetini atap ótildi.
Bodrýmnyń tanymal týristik ortalyq retindegi tájiribesi Almaty úshin paidaly bolýy múmkin.
Kezdesýge qatysýshylar mádeni-gýmanitarlyq yntymaqtastyqty damytýdyń mańyzdylyǵyn atap ótti. Almatyda «Ahyska» etnomádeni ortalyǵy jumys isteidi, 30-dan astam mektepte túrik tili oqytylady, birlesken mádeni is-sharalar ótkiziledi.
Kezdesý qorytyndysy boiynsha taraptar perspektivaly baǵyttar boiynsha ekijaqty yntymaqtastyqty damytý týraly ýaǵdalasty
