Týrızm salasymen aty shyqqan Túrkıa qazirgi tańda óndirisimen de álemge tanylýda. Aıtalyq, ústimizdegi jyldyń qańtar-mamyr aılarynda Túrkıa qaıyq men ıahta jasap, syrt elderge eksporttaý isi 26,3 paıyzǵa artyp, túrik aǵaıyndardyń sý kólikterin satýdan 577 mln dollar paıda tapqanyn Anadola aqparattyq agenttigi jarıa etti, – dep habarlaıdy Dalanews.kz

Búginde Túrkıada qurastyrylǵan qaıyq pen ıahtalar dúnıejúziniń 125 eline eksporttalǵan. Osylaısha qaıyq pen ıahta satý Túrkıa eksporttaıtyn ónimderdiń 0,6 paıyzyn quraǵan. Túrik aǵaıynda aldaǵy ýaqytta bul baǵytta qarqyndy jumys istep, sý kólikterin ózge elderge saýdalaýdy arttyrýdy kózdep otyr.

Qaıyq pen keme jasaý Túrkıada keń taraǵan kásipke aınalyp otyr. Búginde Túrkıanyń 26 qalasynda sý kóligin qurastyratyn irili-usaqty kásiporyndar jumys isteıdi. Qaıyq óndiretin negizgi kásiporyndar Stambýl qalasynda ornalasqan. Munda syrtqa eksporttalatyn ónimderdiń 52 paıyzy óndiriledi. Budan keıindi oryndarda Ialov, Izmı, Býrsa, Ankara qalalary tur.

Bıyl Túrkıada óndirilgen qaıyq pen ıahtalardy Norvegıa satyp alyp, bul úshin 215 mln dollar jumsaǵan. Budan keıin Pákistan (37 mln dollar), Marshallov araldary (29 mln dollar), Kýveıt (27 mln dollar), Irlandıa (24 mln dollar) tur.  

Túrkıanyń qaıyq jáne ıahta jasaýshylar qaýymdastyǵynyń (GYHİB) Djem Seven jyl basynan Latyn Amerıkas elderine súıreýishter (býksır) eksporttaýda da qomaqty tabys tapqandaryn alǵa tartty. Ol sońǵy jyldary Túrkıanyń kemequrastyrý salasy sapaly ónimderimen álem elderiniń nazaryn aýdaryp otyrǵanyn alǵa tartty.