Byltyr osyǵan orai uiymdastyrylǵan is-sharada Dalanews.kz tilshisi Tótenshe jaǵdai ministri Iýrii Ilinge saýal qoiyp, otandyq qutqarýshylardyń deńgeii týraly suraǵan.
Ministr qazaqstandyq órt sóndirýshiler men qutqarýshylardyń kásibi biligi joǵary ekenin aita kelip, osy salanyń 3 ereksheligin jipke tizgen edi.
Atap aitqanda bular:
- Tótenshe jaǵdaiǵa qarasty qurylymdardyń arasyndaǵy "Ádil bilik" bólinisi;
- Órt sóndirýshilerdiń barlaý isin jete meńgergeni, tiisinshe táýekelge barmai turyp jaǵdaidy baǵdarlap alatyn qarym-qabileti;
- Eriktilermen aradaǵy jumys jolǵa qoiylǵan, bul óz kezeginde órttiń aldyn-alýǵa járdemdesedi.
Jalpy alǵanda elimizde jyl saiyn 18 myńǵa jýyq tótenshe oqiǵa oryn alady eken.
Sońǵy 30 jylda qazaqstandyq qutqarýshylar men órt sóndirýshiler 1 mln 500 myńǵa jýyq tótenshe oqiǵanyń zardabyn joiyp, 800 myńǵa tarta azamatty ajaldan arashalap qalǵan.
...
Sońǵy jyldary álem kólemine túrli tabiǵi ári tehnogendi apattardyń jiilep ketkeni jasyryn emes. Sarapshylardyń pikirinshe buǵan klimattyń ózgerýi, ekologiialyq ahýaldyń nasharlaýy, tutastai alǵanda qazirgi aqparattyq ǵasyr áser etip otyr.
Túrkiiadaǵy tilsiz jaýdyń tutanýyna da ǵalamdyq deńgeidegi klimattyń ózgerýi áser etkeni anyq. Sarapshylardyń aitýynsha 2100 jylǵa deiin Túrkiiadaǵy aýa temperatýrasy 7 gradýsqa kóterilýi múmkin.
Baýyrlas eldiń orman alqabyn sharpyǵan qyzyl jalyndy aýyzdyqtaý úshin Túrkiia biliginiń qolyndaǵy myńnan asa órt sóndirý tehnikasy azdyq etken edi.
Osy sebepti qazaqstandyq qutqarýshylar túrik áriptesterine qol ushyn sozý úshin Dalaman qalasyna attanǵan. Kúni keshe alapat órtti toqtatqan qazaqstandyqtar aman-esen elge oraldy. Olar apta boiy tynym tappady.
Túrkiianyń Orman sharýashylyǵy ministrliginiń málimetinshe 17 qutqarýshy men eki tikushaqtan quralǵan qazaqstandyq jedel top kólemi 300 tonnaǵa jýyqtaityn sý shashqan. Sonyń nátijesinde atalǵan aýmaqtaǵy alapat órttiń aryny báseńdep, aqyr sońynda tolyq sóndirilgen.
Túrik biliginiń qazaqstandyq qutqarýshylardyń kómegine birinshi kezekte júginýi beker emes.
Baýyrlas el bolǵandyqtan Qazaqstan Túrkiiadaǵy orman órtin aýyzdyqtaýǵa gýmanitarlyq kómek kórsetti. Bylaisha aitqanda, otandyq órt sóndirýshilerdiń syiaqysy men tiisti tehnikany shyǵynyn óteýdi Qazaqstan Úkimeti óz moinyna aldy.
Aita ketelik, prezident Toqaevtyń buiryǵymen baýyrlas túrik halqyna qol ushyn sozý úshin Tótenshe jaǵdai ministrliginiń 16 qutqarýshysy jáne eki MI-8 tikushaǵy shuǵyl kómekke attanǵan.
Qazaqstandyq qutqarýshylar úsh eldiń territoriiasyn basyp ótip, shamamen 4500 km jer júrip Túrkiiaǵa jetken.
Dalanews.kz anyqtamasy:
Tótenshe jaǵdai ministrliginiń dereginshe elimizde 18 myńǵa jýyq qutqarýshylar men órt sóndirýshiler bar. Jaǵymdy tendentsiia – sońǵy jyldary eriktilerden quralǵan órt sóndirý jasaqtary da kóbeiip keledi. Qazir elimizde mundai 3900 uiym bar, bulardyń qatarynda 40 myńnan asa erikti shoǵyrlanǵan.
