24 tamyzda Sırıanyń soltústigine engizilgen túrik áskeri beısenbi kúni qarýly opozısıa baqylaýyndaǵy Djerablýs qalasynda kúrd jasaqtarynyń bekinisterine shabýyl jasady.
Ankaranyń málimdeýinshe, kúrd áskeri, buǵan deıin AQSH-pen kelisilgendeı, óz kúshterin Evfrat ózeniniń oń jaǵalaýyna kóshirmeı otyr, sol sebepti Túrkıanyń jaǵdaıdy retteýge aralasýǵa tolyq quqyǵy bar. Aıta keterlik jaıt, amerıkalyq memlekettik hatshy Djon Kerrı túrik áriptesi Mevlet Chavashoglýmen telefon arqyly sóılesip, sırıalyq kúrdterdiń negizgi kúshteri Manbıdj qalasyna kóshirilgenin habarlaǵan.
Túrkıa Sırıadaǵy operasıasynyń basty maqsaty - shekaralas aýdandardan "Islam memleketi" ekstremıstik toptaryn yǵystyryp shyǵarý ekenin málimdedi. Bul rette Ankara opozısıa jaǵynda soǵysyp júrgen sırıalyq kúrdterdi jaý dep esepteıdi, óıtkeni olar, Túrkıanyń pikirinshe, kúrd separatısterimen baılanys ornatqan.
