24 تامىزدا سيرييانىڭ سولتٷستٸگٸنە ەنگٸزٸلگەن تٷرٸك ەسكەرٸ بەيسەنبٸ كٷنٸ قارۋلى وپپوزيتسييا باقىلاۋىنداعى دجەرابلۋس قالاسىندا كٷرد جاساقتارىنىڭ بەكٸنٸستەرٸنە شابۋىل جاسادى.
انكارانىڭ مەلٸمدەۋٸنشە, كٷرد ەسكەرٸ, بۇعان دەيٸن اقش-پەن كەلٸسٸلگەندەي, ٶز كٷشتەرٸن ەۆفرات ٶزەنٸنٸڭ وڭ جاعالاۋىنا كٶشٸرمەي وتىر, سول سەبەپتٸ تٷركييانىڭ جاعدايدى رەتتەۋگە ارالاسۋعا تولىق قۇقىعى بار. ايتا كەتەرلٸك جايت, امەريكالىق مەملەكەتتٸك حاتشى دجون كەرري تٷرٸك ەرٸپتەسٸ مەۆلەت چاۆاشوگلۋمەن تەلەفون ارقىلى سٶيلەسٸپ, سيرييالىق كٷردتەردٸڭ نەگٸزگٸ كٷشتەرٸ مانبيدج قالاسىنا كٶشٸرٸلگەنٸن حابارلاعان.
تٷركييا سيريياداعى وپەراتسيياسىنىڭ باستى ماقساتى - شەكارالاس اۋدانداردان "يسلام مەملەكەتٸ" ەكسترەميستٸك توپتارىن ىعىستىرىپ شىعارۋ ەكەنٸن مەلٸمدەدٸ. بۇل رەتتە انكارا وپپوزيتسييا جاعىندا سوعىسىپ جٷرگەن سيرييالىق كٷردتەردٸ جاۋ دەپ ەسەپتەيدٸ, ٶيتكەنٸ ولار, تٷركييانىڭ پٸكٸرٸنشە, كٷرد سەپاراتيستەرٸمەن بايلانىس ورناتقان.
