Burynǵy ishki ister ministri Erlan Turǵymbaev eki aiǵa qamaýǵa alyndy, - dep habarlaidy Dalanews.kz.
Astana qalasynyń mamandandyrylǵan tergeý soty 30 sáýirde burynǵy ishki ister ministri Turǵymbaevqa qatysty eki ai merzimge "kúzetpen ustaý" túrindegi bultartpaý sharasyn sanktsiialady.
QR QPK-niń 201-babyna sáikes ózge málimetter jariialanbaityny aityldy.
Aita keteiik, buǵan deiin Bas prokýratýra 2022 jylǵy qańtardaǵy oqiǵalarǵa bailanysty qylmystyq isterdi áli de tergep jatqany belgili boldy.
29 sáýirde aýyr zardaptarǵa ákep soqqan bilik pen laýazymdyq ókilettikterdi asyra paidalanǵany úshin (Qylmystyq kodekstiń 362-baby 4-bóligi) Qylmystyq is júrgizý kodeksiniń 128-baby tártibinde ishki ister eks-ministri Erlan Turǵymbaev ustalǵan.
"Qylmystyq iste memlekettik qupiia málimetter bolýyna bailanysty sotaldy tergep-tekserýdiń basqa derekteri jariialanbaidy", - dep jazylǵan habarlamada.
Buǵan deiin de buqaralyq aqparat quraldarynda burynǵy ishki ister ministri Erlan Turǵymbaevtyń ústinen qylmystyq is qozǵalǵany týraly aqparat tarady.
Derekterge súiensek, oǵan qatysty 361-baptyń 1-bólimi ("laýazymdyq ókilettikterdi teris paidalaný") boiynsha is qozǵalǵan, iaǵni Qańtar oqiǵasy kezinde qyzmettik ókiletin asyra paidalandy dep aiyptalyp otyr.
Sonymen qatar, derekterde tergeý nysanynda burynǵy ishki ister ministrinen bólek Taldyqorǵan politsiiasynyń burynǵy bastyǵy Asqar Nursapa, Qarasai aýdanynyń burynǵy politsiia bastyǵy Bolat Totybaev jáne basqalary bar ekeni aityldy.
Erlan Turǵymbaev 2012 jyldan beri ishki ister ministriniń orynbasary, 2019 jyldan beri ishki ister ministri qyzmetterin atqardy.
Al 2022 jyly onyń qyzmetten ketkeni belgili boldy.
