تۇرعىمباەۆ ەكٸ ايعا قاماۋعا الىندى

بۇرىنعى ٸشكٸ ٸستەر مينيسترٸ ەرلان تۇرعىمباەۆ ەكٸ ايعا قاماۋعا الىندى, - دەپ حابارلايدى Dalanews.kz.

استانا قالاسىنىڭ مامانداندىرىلعان تەرگەۋ سوتى 30 سەۋٸردە بۇرىنعى ٸشكٸ ٸستەر مينيسترٸ تۇرعىمباەۆقا قاتىستى ەكٸ اي مەرزٸمگە "كٷزەتپەن ۇستاۋ" تٷرٸندەگٸ بۇلتارتپاۋ شاراسىن سانكتسييالادى.

قر قپك-نٸڭ 201-بابىنا سەيكەس ٶزگە مەلٸمەتتەر جارييالانبايتىنى ايتىلدى. 

ايتا كەتەيٸك, بۇعان دەيٸن باس پروكۋراتۋرا 2022 جىلعى قاڭتارداعى وقيعالارعا بايلانىستى قىلمىستىق ٸستەردٸ ەلٸ دە تەرگەپ جاتقانى بەلگٸلٸ بولدى.

29 سەۋٸردە اۋىر زارداپتارعا ەكەپ سوققان بيلٸك پەن لاۋازىمدىق ٶكٸلەتتٸكتەردٸ اسىرا پايدالانعانى ٷشٸن (قىلمىستىق كودەكستٸڭ 362-بابى 4-بٶلٸگٸ) قىلمىستىق ٸس جٷرگٸزۋ كودەكسٸنٸڭ 128-بابى تەرتٸبٸندە ٸشكٸ ٸستەر ەكس-مينيسترٸ ەرلان تۇرعىمباەۆ ۇستالعان.

"قىلمىستىق ٸستە مەملەكەتتٸك قۇپييا مەلٸمەتتەر بولۋىنا بايلانىستى سوتالدى تەرگەپ-تەكسەرۋدٸڭ باسقا دەرەكتەرٸ جارييالانبايدى", - دەپ جازىلعان حابارلامادا.

بۇعان دەيٸن دە بۇقارالىق اقپارات قۇرالدارىندا بۇرىنعى ٸشكٸ ٸستەر مينيسترٸ ەرلان تۇرعىمباەۆتىڭ ٷستٸنەن قىلمىستىق ٸس قوزعالعانى تۋرالى اقپارات تارادى.

دەرەكتەرگە سٷيەنسەك, وعان قاتىستى 361-باپتىڭ 1-بٶلٸمٸ ("لاۋازىمدىق ٶكٸلەتتٸكتەردٸ تەرٸس پايدالانۋ") بويىنشا ٸس قوزعالعان, ياعني قاڭتار وقيعاسى كەزٸندە قىزمەتتٸك ٶكٸلەتٸن اسىرا پايدالاندى دەپ ايىپتالىپ وتىر.

سونىمەن قاتار, دەرەكتەردە تەرگەۋ نىسانىندا بۇرىنعى ٸشكٸ ٸستەر مينيسترٸنەن بٶلەك تالدىقورعان پوليتسيياسىنىڭ بۇرىنعى باستىعى اسقار نۇرساپا, قاراساي اۋدانىنىڭ بۇرىنعى پوليتسييا باستىعى بولات توتىباەۆ جەنە باسقالارى بار ەكەنٸ ايتىلدى.

ەرلان تۇرعىمباەۆ 2012 جىلدان بەرٸ ٸشكٸ ٸستەر مينيسترٸنٸڭ ورىنباسارى, 2019 جىلدان بەرٸ ٸشكٸ ٸستەر مينيسترٸ قىزمەتتەرٸن اتقاردى.

ال 2022 جىلى ونىڭ قىزمەتتەن كەتكەنٸ بەلگٸلٸ بولدى.